Mutindu ya Mbote ya Kusadila Bankunga ya Kimfumu

Bansadi ya Nzambi ketadilaka miziki bonso dikabu ya kitoko ya mekatuka na Yehowa. (Yak. 1:17) Mabundu mingi kesepelaka kubula na nsi-nsi bankunga ya Kimfumu na ntwala mpi na nima ya balukutakanu na bo ya dibundu. Kubula miziki ya Kimfumu kele mutindu mosi ya kyese ya kuzodila beto kukwisa ya mbote na balukutakanu. Yo kesadisaka beto na kubongisa mabanza na beto sambu na lusambu. Dyaka, kubula miziki ya mpa yina kele na mukanda na beto ya bankunga kesadisaka beto na kuzaba bankunga mpi kuyimba yo mbote-mbote. Kubula miziki ya mutindu yai na nima ya balukutakanu kesalaka nde bampangi kusolula na mutindu ya ketunga mpi ya kesyamisa. Yo yina, kimvuka ya bankuluntu fwete baka bangidika ya mefwana sambu na kubula miziki ya mekatuka na Beto Yimbila Yehowa—yina bo mebula ti Piano na ntwala to na nima ya lukutakanu. Bo fwete zikisa nde volime ya miziki yango kele ya kufwana mpi nde yo kekanga ve bampangi nzila ya kusolula.