Site Internet na Beto​—Sadila Yo Sambu na Kulonguka ya Nge Mosi mpi ya Dibuta

Tanga Bazulunalu ya Nsuka na Internet: Tanga Nzozulu ya Nkengi mpi Réveillez-vous ! na Internet bamposo mingi na ntwala ya kubaka yo na dibundu. Widikila bazulunalu yina bo me kotisa ndinga.​—Bweta kisika bo me sonika “Mikanda,” mpi na nima bweta na “Bazulunalu.”

Tanga Masolo Yina Ke Basikaka KaKa na Site Internet: Ntangu yai malongi ya nkaka ke basika kaka na site Internet; mu mbandu, “Sambu na Baleke,” “Malongi ya Biblia,” “Ya Kulonguka na Dibuta” mpi “Bangiufula Yina Baleke Ke Yulaka.” Kota na site Internet mpi tadila masolo yai na ntangu ya kulonguka ya nge mosi mpi ya dibuta.​—Bweta na “Malongi ya Biblia,” mpi na nima bweta na “Bana,” to na “Batoko.”

Baka Bansangu ya Nsuka: Tanga bansangu mpi baeksperiansi ya ke pesa kikesa, mpi tala bavideo yina ke monisa kuyela ya kisalu na beto na ntoto ya mvimba. Bansangu ya ke tubila bisumbula mpi bambangika lenda sadisa beto na kusala bisambu ya sikisiki sambu na bampangi yina ke mona mpasi. (Yak. 5:16)​—Bweta na “Bansangu.”

Sadila Biblioteke na Internet Sambu na Kusala Bansosa: Kana Biblioteke na Internet kele na ndinga na beno, sadila ordinatere to telefone sambu na kutanga mukapu ya lumbu to kusala bansosa na mikanda na beto ya mpa.​—Bweta na “Mikanda,” mpi na nima bweta na “Biblioteke na Internet,” to sonika www.wol.jw.org na kisika yina bo ke sonikaka adresi ya Internet.

[Tablo ya kele na lutiti 4]

(Sambu na kumona mambu yonso, tala mukanda)

Meka Yo

1 Bweta kisika kifwanisu kele to kisika bo me sonika, “Baka.” Kifwanisu ta basika na format PDF. Niema yo na papie mpi pesa mwana na nge sambu na kulonguka mpi kupesa bamvutu.

2 Bweta na “Bula” sambu na kutala video.