Site Internet na Beto—Sadila Yo Sambu na Kusadisa Muntu Yina Ke Tuba Ndinga ya Nzenza
Songa Yandi Site Internet na Beto: Monisa yandi mutindu ya kusadila kisika yina bo me sonika “Ndinga” sambu na kukota na Site Internet yai na ndinga na yandi. (Na bandinga ya nkaka, site na beto kele ve na mambu yonso.)
Songa Yandi Mukanda Mosi ya Kele na Site na Ndinga na Yandi: Monisa yandi disolo ya mukanda mosi, mu mbandu Biblia Kelongaka to trakiti Kuzaba Kyeleka. Pona ndinga yina muwi ke tubaka na kisika yina bo me sonika “Tanga Na.”
Sadisa Yandi na Kuwidikila Disolo Mosi: Sosa disolo mosi ya kuwidikila na ndinga ya muwi mpi bula yo sambu yandi kuwa. Kana nge ke longuka ndinga ya nkaka, landa disolo yango ya kuwidikila ntangu nge ke tanga sambu na kutomisa nzayilu na nge.—Bweta na “Mikanda,” na nima bweta na “Mikanda & Tumikanda” to na “Bazulunalu.”
Ta Kimbangi na Bifwa-Makutu: Kana nge mona kifwa-makutu, songa yandi video mosi ya ndinga ya bidimbu ya kapu mosi ya Biblia, ya mukanda mosi, ya kamukanda, to ya trakiti.—Bweta na “Mikanda” mpi bweta na “Ndinga ya Bidimbu.”
[Tablo ya kele na lutiti 6]
(Sambu na kumona mambu yonso, tala mukanda)
Meka Yo
1 Bweta sambu ▸ na kuwidikila disolo mosi (kana yo kele na ndinga na beno) to bweta kisika bo me sonika “Baka” sambu na kubaka yo.
2 Pona ndinga ya nkaka kisika bo me sonika “Tanga Na” sambu na kumonisa mukanda na ndinga yango.
3 weta na “Yina Kelanda” to na disolo mosi yina kele na nsi ya kisika bo me sonika “Mambu Ke na Kati,” sambu na kutanga disolo to kapu ya nkaka.