Beto Yedisa Mayele na Beto na Kisalu ya Kusamuna—Beto Ta Kimbangi na Bisika ya Mumbongo

Mfunu na Yo: Sambu bantu mingi ke lutisaka bangunga na kisalu, kuta kimbangi na bisika ya kisalu kele mutindu ya kuluta mbote ya kulonga bo nsangu ya mbote. Kuta kimbangi na kisika ya mumbongo lenda buta mbuma ya mbote sambu beto ke kutanaka ti bantu mingi mpi bantu ya kisalu ke zitisaka bantu yina ke kwendaka sambu na kusumba. Sambu na kusamuna mbote, bansamuni fwete sadila luswasukusu. Diaka, bo fwete lwata mbote mpi bo fwete yidika nitu mbote.(2 Bak. 6:3) Yo yina, nkengi na kisalu fwete zaba bansamuni ya ke samuna na bisika yango mpi mbala ikwa bo ke sala yo.

Mutindu ya Kusala Yo:

Yidika na bunkufi bangogo na nge ya kukotila na masolo. Kana beto solula ti muntu ya kisalu ntangu ya nda, yandi lenda buya kusolula ti beto na mbala ya nima.
Kwenda kutala bantu ya mumbongo ntangu bo kele ve ti bantu mingi ya ke sumba. Mu mbandu, ntangu bo ke kangula banzo na bo sambu na kuteka.
Solula ntete ti mfumu ya kisalu. Vanda mawete. Nge lenda tuba nde: “Beto ke tala bantu ntangu fioti na bisika na bo ya kisalu sambu beto ke monaka bo ve na banzo.” Sadila bangogo ya nkufi ya kukotila na masolo mpi pesa yandi trakiti, bazulunalu to mukanda ya nkaka. Sambu bo mona beto ve bonso bantu ya ke sala mumbongo, yo ta vanda mbote na kutubila ve makabu ya luzolo ya mbote. Kansi, kana bo me yula beto kisika ya beto ke bakaka mbongo ya kusala mikanda, pana beto lenda zabisabo.
Kana ntwadisi kele mawete, lomba yandi nswa ya kusolula ti bantu ya kisalu na bunkufi. Na bisika ya nkaka ya mumbongo, yo lenda vanda mbote na kuyula yandi kana nge lenda bika mikanda ya nkaka na kisika yina bantu ya kisalu ke pemaka.
Sadila luswasukusu mpi vanda ti bukati-kati. Mu mbandu, kana muntu ya kisalu ke solula ti bantu ya ke sumba to yandi kele ti kisalu mingi, vingila tii ntangu yandi ta manisa sambu na kusolula ti yandi.

Sadila Yo Ngonda ya Mvimba:

Lusambu na beno ya Dibuta yina ke kwisa, sadisa nsonga mosi. Na nsonga yango, sadila bangogo ya nkufi ya kukotila na masolo yina nge lenda sadila kana nge ke samunaka na kisika ya mumbongo.