Kuvanda ti Luzingu ya Kukonda Mindondo Ke Sadisaka na Kukumisa Nzambi

Bubu yai, yo kele mpasi ve na kusosa bima ya mindondo na luzingu na beto. Kansi yo ke lombaka ntangu mingi mpi kikesa sambu na kusumba-sumba bima, kusadila yo, kuyidika yo mpi kutanina yo. Yezu vandaka ti luzingu ya kukonda mindondo, sambu yandi zabaka nde kuvanda ti bima mingi ya kinsuni zolaka kukatula dikebi na yandi na kisalu ya kusamuna.—Mat 8:20.

Inki mutindu nge lenda sala nde luzingu na nge kuvanda ya kukonda mindondo sambu na kusala mingi na kisalu ya kusamuna? Keti muntu mosi na dibuta na beno lenda kuka kusala kisalu ya kimupasudi-nzila kana beno sala mwa bansoba? Kana nge kele dezia na kisalu ya ntangu yonso, keti nge me bika malembe-malembe nde bima ya kinsuni kutula mindondo na luzingu na nge? Luzingu ya kukonda mindondo na kisalu ya Yehowa kele luzingu ya kiese.—1Tm 6:7-9.

MAMBU YA MONO LENDA SALA SAMBU LUZINGU NA MONO KUVANDA YA KUKONDA MINDONDO