Mutindu ya Kusadila Kamukanda Banani Ke Sala Luzolo ya Yehowa Bubu Yai?

Bo basisaka kamukanda Banani Ke Sala Luzolo ya Yehowa Bubu Yai? sambu na kulonguka ti balongoki ya Biblia na luyantiku to na nsuka ya konso kulonguka.a Dilongi 1 tii na 4 ke sadisaka balongoki na kuzaba beto, dilongi 5 tii na 14 ke sadisaka bo na kuzaba bisalu na beto, mpi dilongi 15 tii na 28 ke monisaka mambu yina organizasio na beto ke salaka. Mbala mingi, yo ke vandaka mbote na kulonguka malongi yango na ndonga. Kansi, beno lenda tadila dilongi ya nkaka kana yo kele mfunu mingi sambu na longoki. Konso dilongi kele na lutiti mosi; yo yina sambu na balongoki mingi, beno lenda longuka yo na minuta tanu to kumi.

• 

  Benda dikebi ya longoki na ngiufula ya ntu-diambu

• Beno tanga dilongi; beno lenda tanga yo ya mvimba to bitini-bitini

• Beno tadila mambu yina beno me tanga. Beno tadila bifwanisu mpi bangiufula yina kele na nsi ya lutiti. Pona nki baverse ya bo me vutukila ve bangogo, yina beno lenda tanga mpi kutadila ti longoki. Monisa nde tubantu-diambu ke pesa mvutu na ngiufula ya ntu-diambu

• Kana dilongi yina kele ti lupangu “Sosa Kuzaba Mambu Mingi,” beno tanga yo mpi siamisa longoki na kusadila bangindu yina bo me pesa