Beto Yedisa Mayele na Beto na Kisalu ya Kusamuna​—Solula ti Konso Muntu na Teritware na Nge

SAMBU NA NKI YO KELE MFUNU: Zekaria tubaka na ntwala nde bantu ya bandinga mpi ya makanda yonso ta ndima nsangu ya mbote. (Zek 8:23) Kansi nani ta longa bo? (Bar 10:13-15) Beto kele na dibaku mpi mukumba ya kulonga nsangu ya mbote na konso muntu ya teritware na beto.—od 84 § 10-11.

MUTINDU YA KUSALA YO:

• Kudibongisa. Keti nge ke kutanaka ti bantu yina ke tubaka ndinga ya nkaka? Nge lenda sadila programe JW Language sambu na kulonguka bangogo ya pete ya kukotila na masolo. To nge lenda sadila apareyi na nge sambu na kusonga muwi mutindu yandi lenda zaba mambu mingi na ndinga na yandi na jw.org

• Talaka mbote-mbote. Kana nge ke samuna nzo na nzo, kulutisa ve mabaku ya kuta kimbangi na bantu yina ke luta na nzila to na bayina ke kinga bakamio. Kana nge ke ta kimbangi na bisika ya bantu mingi, kuvila ve lukanu na nge ya kuta kimbangi

• Vanda kikesa. Landa kusosa mutindu ya kukutana ti bantu yina vandaka ve na nzo. Sala ngolo na kusolula ti bantu yonso na konso nzo, ziku na ntangu ya nkaka to na kilumbu ya nkaka. Sambu na kuta kimbangi na bawi ya nkaka, yo ta lomba nge sonikila bo mukanda, nge binga bo na telefone to nge solula ti bo na bala-bala

• Yedisa mpusa ya muwi. Vutukila muntu yina monisaka mpusa kukonda kusukinina. Kana yandi ke tubaka ndinga ya nkaka, sosa mpangi yina ke tubaka ndinga yango sambu na kusadisa yandi. Nge fwete landa kusolula ti yandi tii ntangu yandi ta kutana ti bansamuni yina ke tubaka ndinga na yandi.—od 94 § 39-40

BENO TALA VIDEO BO KE SAMUNA NA “KISIKA YA KULUTA NTAMA YA NTOTO,” NA NIMA BENO PESA MVUTU NA BANGIUFULA YAI:

• 

  Inki mutindu bampangi kudibongisaka sambu na kukutana ti bantu na teritware mosi ya ntama? (1Bk 9:22, 23)

• 

  Inki bampasi bo kutanaka ti yo?

• 

  Inki balusakumunu bo bakaka?

• Inki bikesa nge lenda sala sambu na kukutana ti bantu mingi na teritware na beno?