Bo Kele ya Kuyidika Sambu na Kulonga Bantu Yonso

Kaka mutindu Yehowa yidikaka bantu ya Izraele, bubu yai yandi ke yidika bansadi na yandi sambu bo sala kisalu yina yandi me pesa bo. Na nsi-ntoto ya mvimba, Babetele, banziunga, mabundu mpi bimvuka ya kisalu ya bilanga ke salaka diboko na diboko sambu na kulonga nsangu ya mbote. Beto ke longaka bantu yonso, yo vanda bayina ke tubaka ndinga ya nkaka.—Kus 14:6, 7.

Keti nge me yindulaka dezia kulonguka ndinga ya nkaka sambu na kusadisa bantu na kuzaba kieleka? Ata nge kele ve ti ntangu sambu na kulonguka ndinga ya nkaka, nge lenda sadila aplikasio JW Language sambu na kuzaba bangogo ya pete ya luyantiku yina nge lenda sadila sambu na kusolula ti muntu. Kana nge sadila yo sambu na kusolula ti muntu, nge lenda kudiwa bonso Bakristu ya mvu-nkama ya ntete. Bo vandaka na kiese ntangu bo waka “mambu ya nene ya Nzambi” na bandinga na bo.—Bis 2:7-11.

SONGA VIDEO KUMA NDUKU YA YEHOWA—LONGA NA NDINGA YA NKAKA, MPI NA NIMA BENO PESA BAMVUTU NA BANGIUFULA YAI:

• 

  Inki ntangu aplikasio JW Language lenda sadisa nge?

• 

  Inki mwa mambu kele na kati ya aplikasio yango?

• 

  Inki bandinga bantu ke tubaka na teritware na beno?

• Inki nge fwete sala kana muntu yina ke sosa kuzaba mambu mingi sambu na nsangu ya Kimfumu ke tuba ndinga ya nkaka?—od 100-101 § 39-41