BIMVWAMA YA NDINGA YA NZAMBI | LUKA 8-9
Kulanda Yezu Ke Lombaka Kusala Inki?
Sambu na kusala bilanga mbote, muntu yina ke bundula ntoto fwete bika ve nde mambu yina kele na nima na yandi kukatula yandi dikebi. Mutindu mosi mpi Mukristu fwete bika ve nde mambu yina yandi me yambulaka na nsi-ntoto yai kukatula yandi dikebi.—Fil 3:13.
Ntangu beto ke kutana ti bampasi yo ke vandaka pete na kuyindula nde ziku ‘mambu vandaka mbote na bilumbu me luta,’ na ntwala nde beto zaba kieleka. Ntangu beto ke yindulaka mutindu yina, beto ke tulaka dikebi mingi na mambu ya mbote kansi beto ke vilaka nde beto kutanaka mpi ti mambu ya mpasi. Bantu ya Izraele salaka mpi mutindu yina na nima ya kubasika na kimpika na Ezipte. (Kut 11:5, 6) Kana beto ke kangama kaka na bangindu ya mutindu yai, beto lenda bwa na mutambu ya kuvutukila luzingu na beto ya ntama. Yo kele mbote kibeni na kutula dikebi na balusakumunu yina beto kele na yo bubu yai mpi na kiese yina beto ta vanda na yo na nsi ya luyalu ya Kimfumu ya Nzambi!—2Bk 4:16-18.