BIMVWAMA YA NDINGA YA NZAMBI | LUKA 19-20
Baka Dilongi na Mbandu ya Bamine Kumi
Mambu ya bo me tubila na kingana yai ke tendula nki?
Mfumu kele Yezu
Bampika kele balongoki ya Yezu yina bo me tulaka mafuta
Mbongo yina mfumu pesaka bampika na yandi kele mukumba ya mfunu ya kukumisa bantu balongoki
Kingana yai ke kebisa balongoki ya Kristu yina bo me tulaka mafuta, kana bo sala mambu bonso mpika yina ya mbi. Yezu ke lomba balongoki na yandi na kusadila ntangu, ngolo mpi bima na bo sambu na kukumisa bantu mingi balongoki.
Inki mutindu mono lenda landa mbandu ya Bakristu ya kwikama yina bo me tulaka mafuta sambu na kukumisa bantu balongoki?