Keti Nge Ke Bakaka Ndinga ya Nzambi na Valere?

Biblia kele ti bangindu mpi mambu yina Yehowa Nzambi ke tubaka. Yandi kele munkwa ya mukanda yai ya santu. (2Pi 1:20, 21) Mutindu Biblia ke bendaka dikebi na nswa yina Nzambi kele ti yo ya kuyala bantu na nzila ya Kimfumu na yandi, yo ke pesaka bantu yonso kivuvu nde kubika fioti bo ta zinga mbote awa na ntoto. Biblia ke monisaka mpi nde Yehowa tata na beto ya zulu kele Nzambi ya zola.—Nk 86:15.

Konso muntu kele ti bikuma yina ke pusaka yandi na kubaka Ndinga ya Yehowa na valere. Keti beto ke tangaka yo konso kilumbu mpi ke sadilaka bandongisila na yo na luzingu na beto sambu na kumonisa nde beto ke bakaka dikabu yai ya mfunu na valere? Mambu ya beto ke sala fwete monisa nde beto ke kudiwa bonso muyimbi-bankunga yina tubaka nde: “Mono ke zolaka nsiku na nge mingi!”—Nk 119:97.

SONGA VIDEO BO BAKAKA BIBLIA NA VALERE—KITINI (WILLIAM TYNDALE), MPI NA NIMA BENO PESA BAMVUTU NA BANGIUFULA YAI:

• 

  Sambu na nki William Tyndale balulaka Biblia?

• Sambu nki beto lenda tuba nde yandi salaka bikesa ya mingi sambu na kubalula Biblia?

• Inki mutindu Babiblia ya Tyndale kotaka na Angleterre?

• Inki mutindu konso muntu lenda monisa nde yandi ke bakaka ndinga ya Nzambi na valere?