Keti Nge Lenda Pesa Ntangu mpi Ngolo na Nge?

Mutindu profete Yezaya tubaka, kitini ya organizasio ya Yehowa yina kele na ntoto ke landa na kuyela kuluta mutindu yina yo vandaka ntete. (Yez 54:2) Yo ke lomba kutunga Banzo ya Kimfumu ya mpa, Banzo ya Balukutakanu ya Nene mpi Babetele. Na nima ya kutunga banzo yai, yo ke lombaka kutanina yo mpi nsuka-nsuka banzo ya nkaka ke lombaka nde bo yidika yo. Na nki mabaku ya nkaka beto lenda pesa Yehowa ntangu mpi ngolo na beto?

• Beto lenda pesa mpi lusadisu ntangu bo me pona kimvuka na beto ya kisalu ya kusamuna sambu na kuyobisa Nzo ya Kimfumu

• Beto lenda ndima na kubaka formasio sambu na kutanina Nzo na beto ya Kimfumu

• Beto lenda fulusa Formilere Kulomba na Kuvanda Mpangi ya Luzolo ya Mbote na Kisalu ya Kutunga Banzo (Demande d’admission comme volontaire local développement/construction [DC-50]) sambu na kupesa maboko na kisalu ya kutunga yina ke salama pene-pene ya kisika yina beto ke zingaka

• Beto lenda fulusa Formilere Kulomba na Kuvanda Mpangi ya Luzolo ya Mbote (Demande d’admission comme volontaire [A-19]) mpi kupesa maboko mposo mosi to bamposo mingi na Betele ya teritware na beto to na kisalu ya nkaka ya ntangu yonso ya kele na Betele ya teritware na beto

SONGA VIDEO BO KE YIDIKA KISALU YA MPA YA KUTUNGA—KITINI NA YO, MPI NA NIMA BENO PESA BAMVUTU NA BANGIUFULA YAI:

• Inki ke monisa nde bubu yai beto ke sadila bavideo mingi kuluta mutindu beto sadilaka yo na 2014?

• Sambu na kubasisa bavideo yina beto kele na yo mfunu sambu na kusambila Yehowa, nki mambu bo ke kana kusala mpi nki ntangu yo ta yantika mpi ta suka?

• Inki mutindu bavolontere lenda sadisa na kusala kisalu yai?

• Kana beto ke zola kupesa maboko na kisalu ya kutunga na Ramapo, sambu na nki beto fwete fulusa formilere DC-50 mpi kupesa maboko na bisalu ya kutunga yina ke salama na teritware na beto?

• Inki ke monisa nde Yehowa ke “twadisa” kisalu yai?

• Inki mutindu beto lenda pesa maboko na kisalu ya kutunga ata beto ke kuka ve kusala yo?