Beto Yedisa Mayele na Beto na Kisalu ya Kusamuna​—Kuta Kimbangi na Telefone

MFUNU NA YO: Kuta kimbangi na telefone kele mfunu mingi sambu na “kuta kimbangi mbote-mbote sambu na nsangu ya mbote.” (Bis 20:24)a Yo ke sadisaka beto na kulonga muntu kana mpila ya kukutana ti yandi kele ve.

MUTINDU YA KUSALA YO:

• 

  Kudibongisa. Pona disolo yina ta sepedisa bantu mingi. Na nima, sonika mambu yina nge ta zola kutubila. Diaka, nge fwete yidika mwa mambu yina nge ta tuba kana nde muntu yina nge me binga me yamba nge na telefone. Ntangu nge ke zola kubinga bantu yo ta vanda mbote na kuvanda ti disolo yina nge ponaka mpi bima ya nkaka yina nge ta vanda ti yo mfunu. Mumbandu, kubika telefone yina kele ti JW Library^® to jw.org.^® ya kukangula

• 

  Vanda ntima madidi. Tuba mutindu nge ke tubaka. Seka mpi sala bidimbu kana muntu yango ke mona nge. Ntangu nge ke solula, bika kupema mpamba-mpamba. Yo ta vanda mbote na kusala yo ti bampangi ya nkaka. Kana muwi me yula ngiufula, tuba yo diaka na ndinga ya ngolo sambu mpangi yina nge kele ti yandi kusadisa nge na kuzwa mvutu

• 

  Tula fondasio sambu na mvutukilu ya mpa. Kana muwi me monisa mpusa, nge lenda bikisila yandi ngiufula yina beno ta tadila na mbala ya nima ya nge ta binga yandi. Nge lenda sonikila yandi message to nge lenda tindila yandi mukanda. Na message yina nge lenda tudila yandi lien ya video mosi na kati ya bavideo na beto to mikanda. Kana mpila kele, tendudila yandi mutindu beto ke longukaka Biblia ti bantu na nzila ya site internet na beto to mambu ya nkaka yina kele na site internet na beto