Beto Yedisa Mayele na Beto na Kisalu ya Kusamuna​—Beto Tula Fondasio Sambu na Mvutukilu ya Mpa

Mfunu na Yo: Kana beto me kutana ti muntu mosi ya me monisa mpusa, beto ke zolaka kuvutukila yandi ntangu yandi kele na nzo sambu beto losa masa na nkeni ya kieleka yina beto kunaka. (1 Bak. 3:6) Yo ke lombaka nde na ntwala ya kukatuka, beto tula fondasio sambu na kuzaba ntangu yina beto ta vutukila yandi. Diaka, yo kele mbote na kuyula muntu ngiufula yina beno ta tadila na mbala ya nima. Ngiufula yango ta pesa muwi mpusa ya kuyilama sambu na viziti ya nima. Kana mukanda yina beto me pesa yandi kele ti mvutu na ngiufula ya beto me yula yandi, ntembe kele ve nde yandi ta tanga yo. Kutula fondasio sambu na kusolula ti muntu na mbala ya nima ke salaka nde kuvutukila yandi kuvanda mpasi ve sambu beno me zaba dezia disolo yina beno ta tadila mpi muwi me zaba mambu yina beno ta tubila. Ntangu beto ta vutukila yandi, beto lenda zabisa yandi nde beto me kwisa kupesa mvutu na ngiufula yina beto yulaka nge na mbala ya me luta mpi na nima beno lenda landa disolo.