Tanina Makwela na Nge

Na meso ya Yehowa, lusilu ya makwela yina nkento ti bakala ke salaka ke vandaka ve kima ya nsaka. Yandi tubaka nde bo fwete landa kuzinga kisika mosi. (Mat 19:5, 6) Bampangi mingi ya me kwelaka ya kele na kati ya bansadi ya Yehowa ke zingaka na kiese. Ata mpidina, yo kele ve ata ti makwela mosi ya kukuka. Mambu ya mpasi ke basikaka. Beto fwete yindula ve bonso bantu mingi ya nsi-ntoto ya ke monaka nde kana bankwelani ke wakana ve, kima ya mbote ya bo lenda sala kele kukabwana to kufwa makwela. Inki mutindu bankwelani yina kele Bakristu lenda tanina makwela na bo?

Beto tadila mambu yai tanu ya mfunu:

1. Tanina ntima na nge: Buya mambu bonso kuvanda ti bangwisana ya zola ti muntu yina kele ve nkwelani na nge mpi bansaka ya mbi ya kulutisila ntangu, sambu yo ke bebisaka makwela.—Mat 5:28; 2Pi 2:14.

2. Kumisa kinduku na nge ti Nzambi ngolo mpi yedisa mpusa ya kusepedisa yandi na makwela na nge.—Nk 97:10.

3. Landa kulwata kimuntu ya mpa mpi sala mambu ya fioti-fioti ya mbote yina ta sepedisa nkwelani na nge.—Kol 3:8-10, 12-14.

4. Landa kusolula ti nkwelani na nge na luzitu yonso mpi na mutindu ya mbote.—Kol 4:6.

5. Lungisa banzala ya nkwelani na nge ti zola.—1Bk 7:3, 4; 10:24.

Kana Bakristu ke pesa makwela na bo lukumu, yo ta monisa nde bo ke pesa Yehowa muntu yina salaka makwela lukumu.

SONGA VIDEO BETO FWETE “BAKA NTINU TI KUKANGA-NTIMA”—ZITISA BANSIKU YA KUBAKILA NTINU, MPI NA NIMA BENO PESA BAMVUTU NA BANGIUFULA YAI:

• 

  Ata makwela me yantika mbote, inki bampasi lenda basika na nima?

• 

  Inki minsiku ya Biblia lenda sadisa bantu yina ke mona nde zola kele ve na makwela na bo?

• 

  Inki bansiku Yehowa me tulaka sambu na makwela?

• Inki mambu bankwelani fwete sala sambu makwela na bo kununga?