Ndima Lusadisu ya Bampangi ya Nkaka

Yehowa me pesaka beto “kimvuka ya mvimba ya bampangi” ya babakala mpi ya bankento sambu na kusadisa beto. (1Pi 5:9) Bo lenda sadisa beto na kununga bampasi yina beto ke kutanaka ti yo na kisalu ya kulonga nsangu ya mbote. Mu mbandu, Akilasi ti Prisila, Silasi, Timoteo mpi bampangi ya nkaka sadisaka ntumwa Polo.—Bis 18:1-5.

Inki mutindu bampangi na beto lenda sadisa beto na kisalu ya kulonga nsangu ya mbote? Bo lenda pesa beto bandongisila ya mfunu na yina me tala mutindu ya kununga bantembe yina bantu ke basisaka, mutindu ya kusala bamvutukilu ya mpa to mutindu ya kulomba muntu na kulonguka ti yandi Biblia mpi mutindu ya kutwadisa yo. Sosa mpangi mosi na dibundu na beno yina lenda sadisa nge na diambu mosi mpi lomba yandi lusadisu yango. Ntembe kele ve nde beno zole, beno ta baka mambote mpi beno ta vanda na kiese.—Fil 1:25.

TALA VIDEO VANDA NA KIESE NA KISALU YA KUKUMISA BANTU BALONGOKI MPI NDIMA LUSADISU YINA YEHOWA KE PESAKA—BAMPANGI NA BETO, MPI NA NIMA BENO PESA BAMVUTU NA BANGIUFULA YAI:

• 

  Inki Neeta salaka sambu na kusiamisa Jade na kukwenda na lukutakanu ya dibundu?

• 

  Sambu na nki beto fwete nata bansamuni ya nkaka ntangu beto ke kwenda kulonguka Biblia ti longoki mosi?

• 

  Inki kima vandaka kusepedisa Jade ti mama Abiga?

• Inki bametode ya kisalu ya kulonga bampangi ya nkaka lenda longa nge?