Baleke—Beno Kangudila Bibuti na Beno Ntima

Sambu na nge fwete songa bibuti na nge mambu ya nge ke yindula? (Bin 23:26) Sambu Yehowa me pesaka bo mukumba ya kutanina nge mpi ya kutwadisa nge. (Nk 127:3, 4) Bo ta kuka ve kusadisa nge kana nge songa bo ve mambu ya nge kele ti yo mfunu mpi mambu ya ke yangisa nge. Katula yo, nge ta baka dibaku ya kuzaba mambu yina bo me kutanaka ti yo na luzingu. Keti yo kele mbi na kubumba bangindu ya nkaka kaka sambu na nge mosi? Ve. Kansi keba: kukusa ve bibuti na na nge mpi kubumbila bo ve mambu yina bo kele ti nswa ya kuzaba.—Bin 3:32.

Inki mutindu nge lenda solula ti bibuti na nge? Sosa ntangu ya mbote sambu na nge mpi sambu na bo. Kana yo kele mpasi, nge lenda sonikila papa to mama mukanda sambu na kusonga yandi bangindu na nge. Ebuna kana bo ke zola nde beno tubila kima mosi ya ke zolaka ve nde beno tubila? Kuvila ve nde bo ke sosa kibeni kusadisa nge. Baka bibuti na nge bonso banduku, kansi ve bonso bambeni. Bikesa ya nge ke sala sambu na kusolula ti bo ta natila nge mambote luzingu ya mvimba. Ee, nge ta baka luzingu ya mvula na mvula.—Bin 4:10-12.

TALA VIDEO NTANGU MONO VANDAKA LEKE—INKI MUTINDU KUSOLULA TI BIBUTI NA MONO?, MPI NA NIMA BENO PESA BAMVUTU NA BANGIUFULA YAI:

• 

  Inki Esther ti Partik zabaka na yina me tala kimuntu na bo?

• 

  Mbandu ya Yezu ke longa nge inki?

• 

  Inki mutindu bibuti na nge ke monisaka nde bo ke kudiyangisaka sambu na nge?

• 

  Inki minsiku ya Biblia lenda sadisa nge na kusolula ti bibuti na nge?