Sadisa Balongoki na Nge ya Biblia na Kukumisa Ngolo Kinduku na Bo ti Yehowa

Yehowa ke zolaka nde beto sadila yandi sambu beto ke zolaka yandi. (Mat 22:37, 38) Zola ya Nzambi ta sadisa balongoki ya Biblia na kusala bansoba mpi na kukanga ntima na bampasi. (1Yn 5:3) Zola na bo sambu na Nzambi ta pusa bo na kubaka mbotika.

Sadisa balongoki na nge ya Biblia na kumona nde Nzambi ke zolaka bo. Yula bo bangiufula yai: “Mambu yai ke longa nge nki sambu na Yehowa?” to “Inki mutindu yo ke monisa nde Nzambi ke zolaka nge?” Sadisa bo na kumona mutindu Yehowa ke sadisa bo. (2Bs 16:9) Songa bo mutindu Yehowa pesaka mvutu na bisambu na nge mpi sadisa bo na kumona mutindu Yehowa ke pesa mpi bamvutu na bisambu na bo. Beto ke vandaka na kiese ntangu beto ke monaka balongoki ya Biblia ke bakisa nde Yehowa ke zolaka bo mpi ntangu bo ke monisaka nde bo ke zolaka yandi mpi ke zolaka kukuma banduku na yandi.

SONGA VIDEO SADISA BALONGOKI NA NGE YA BIBLIA NA KUKUMISA NGOLO KINDUKU NA BO TI YEHOWA, MPI NA NIMA BENO PESA BAMVUTU NA BANGIUFULA YAI:

• 

  Inki diambu ya mpasi Jade kutanaka ti yo?

• 

  Inki mutindu Neeta sadisaka Jade?

• 

  Inki sadisaka Jade na kununga diambu yina ya mpasi?