Makwela Kele Kinduku ya Luzingu ya Mvimba

Makwela ya mbote na kati ya Bakristu ke pesaka Yehowa lukumu mpi ke natilaka bakala ti nkento kiese. (Mar 10:9) Bakristu yina ke zola kukwela fwete sadila minsiku ya Biblia sambu na kupona nkwelani; mpidina bo ta vanda na makwela ya kiese mpi ya ta wumela.

Na ntwala ya kutalana ti muntu sambu na makwela, ‘lutisa ntete nsungi ya kileke,’ disongidila ntangu yina nzala ya kuvukisa nitu ke vandaka ngolo, kana ve nge ta baka ve lukanu ya mbote. (1Bk 7:36) Sadila mbote ntangu yina nge me kwela ntete ve, sambu na kukumisa kinduku na nge ti Nzambi ngolo mpi kuyedisa bikalulu ya Bukristu. Ebuna kana nge kwela, nge ta kuka kusala mambu mingi sambu makwela na nge kununga.

Na ntwala ya kundima kukwelana ti mpangi mosi, baka ntangu ya kufwana sambu na kuzaba “kimuntu ya kubumbana ya ntima” na yandi. (1Pi 3:4) Kana nge kele ti badute ya ngolo, solula yo ti muntu ya nge ke zola kukwelana ti yandi. Kaka bonso na kinduku ti muntu, na makwela nge fwete tula dikebi mingi na mambu yina nge lenda sadila nkwelani na nge kansi ve na yina yandi lenda sadila nge. (Fil 2:3, 4) Kana nge ke sadila minsiku ya Biblia na ntwala ya kukwela, nge ta landa kusadila yo na nima ya makwela mpi nge ta vanda na makwela ya kiese.

SONGA VIDEO KUDIBONGISA SAMBU NA MAKWELA—KITINI 3: ‘TADILA MAMBU YINA YO TA LOMBA,’ NA NIMA BENO PESA BAMVUTU NA BANGIUFULA YAI:

• Inki mutindu kinduku ya mpangi-nkento yai ti mpangi-bakala Shane vandaka kutambula?

• Inki mpangi-nkento bakisaka ntangu yandi zabaka mpangi-bakala mbote?

• Inki mutindu bibuti na yandi sadisaka yandi, mpi nki lukanu ya mbote yandi bakaka?