Kampanye ya Sipesiali Sambu na Kutubila Kimfumu ya Nzambi na Septembre!

Na septembre, beto ta sala bikesa sambu na kusonga bantu nde kaka Kimfumu ya Nzambi mpamba ta manisa bampasi ya bantu. (Mat 24:14) Inki mutindu nge lenda sala yo? Na ngonda yina ya mvimba, tangila bantu mingi verse mosi ya ke tubila Kimfumu ya Nzambi. Kana muntu mosi me monisa mpusa, pesa yandi nimero ya bantu yonso ya Nzozulu ya Nkengi No. 2 2020. Kana mpila kele, vutukila muntu yina kukonda kusukinina mpi yantika kulonguka Biblia ti yandi na kamukanda Zinga Mvula na Mvula! Bampangi yonso yina ta sala kisalu ya kimupasudi-nzila nsadisi lenda pona kusala bangunga 15 to 30 na ngonda ya septembre.

Kubika fioti, Kimfumu ya Nzambi ta fwa baluyalu yonso yina ke teleminaka yo. (Dan 2:44; 1Bk 15:24, 25) Beto lenda sadila mbote dibaku yai sambu na kumonisa nde beto ke sadisa Yehowa mpi Kimfumu na yandi.