Kwikama mpi Bangindu na Beto

Beto ke monisaka nde beto kele bantu ya kwikama kaka ve na mambu yina beto ke tubaka mpi ke salaka, kansi mpi na mambu yina beto ke yindulaka. (Nk 19:14) Yo yina Biblia ke lombaka beto na kuyindula mambu yonso ya kieleka, mambu yonso yina bo lenda zitisa, mambu yonso ya lunungu, mambu yonso ya bunkete, mambu yonso yina ke pusaka na kuzola, mambu yonso ya lukumu, mambu yonso ya mbote, mpi mambu yonso yina me fwana na kubaka lukumu. (Fil 4:8) Ya kieleka, bantangu ya nkaka bangindu ya mbi lenda kwisila beto na mabanza. Kansi kudiyala ta sadisa beto na kukatula bangindu yina ya mbi mpi na kuyindula mambu ya mbote. Kana beto kele ya kwikama na bangindu na beto, yo ta sadisa beto na kulanda kusala mambu ya kwikama.—Mar 7:21-23.

Na nsi ya konso verse ya ke landa, sonika bangindu yina beto fwete katula:

Bar 12:3

Luk 12:15

Mat 5:28

Fil 3:13