Eksperiansi
Wila Bantu Yonso Mawa
Kilumbu mosi, mpangi-nkento mosi na Nouvelle-Zélande talaka video mosi na jw.org. Video yango ke tubilaka mutindu Yehowa ke wilaka bantu mawa mpi mutindu yandi ke monisaka yo na mambu yina yandi ke salaka. (Yez. 63:7-9) Yandi bakaka lukanu ya kusadila mambu yina yandi longukaka mpi ya kusosa mabaku ya kusadisa bantu. Kaka kilumbu yina, ntangu yandi vandaka kusumba bima, yandi kutanaka ti nkento mosi yina ke zingaka na bala-bala mpi yandi songaka yandi nde yandi ke zola kusumbila yandi madia mpi nkento yango ndimaka. Ntangu mpangi-nkento yina kwisaka ti madia sambu na kupesa yandi, yandi sadilaka trakiti Keti Kilumbu Kele Bampasi Ta Mana? sambu na kulonga yandi nsangu ya mbote.
Nkento yina yantikaka kudila. Yandi tubaka nde ntangu yandi vandaka leke bibuti na yandi longaka yandi kieleka kansi yandi kumaka ve Mbangi ya Yehowa. Ntama mingi ve, yandi vandaka kusamba Yehowa sambu na kulomba yandi na kusadisa yandi sambu yandi vutukila yandi. Mpangi-nkento yina pesaka yandi Biblia mpi bo wakanaka sambu yandi banda kulonguka Biblia.a
Bonso Yehowa, beto mpi fwete wila bantu mawa mpi kumonisa yo. Yo vanda na bampangi na beto ya dibuta mpi bampangi na beto ya dibundu. Beto lenda monisa mpi nde beto ke wila bantu mawa kana beto ke sosa mabaku ya kulonga bo nsangu ya mbote.
a Sambu na kulonguka mutindu ya kusadisa bantu yina me bwaka madidi na kimpeve, tala disolo “Beno Vutukila Mono” na Nzozulu ya Nkengi ya juin 2020.