Bantu ya Kimpeve Ke Bakaka Balukanu ya Mbote

Tanga Kuyantika 25:29-34 sambu na kuzaba kana Ezau ti Yakobi bakaka balukanu ya mbote.

Longuka na mudindu mambu yina salamaka. Inki salamaka na ntwala? (Kuy. 25:20-28) Inki salamaka na nima?​—Kuy. 27:1-46.

Longuka na mudindu mambu ya fioti-fioti yina disolo ke tubila. Inki banswa mpi nki mikumba mwana ya ntete vandaka ti yo na ntangu yina?​—Kuy. 18:18, 19; w10-F 1/5 13.

• Keti yo vandaka kulomba nde muntu kuvanda mwana ya ntete sambu yandi vanda nkaka ya Mesia? (w17.12 14-15)

Basisa malongi mpi sadila yo. Sambu na nki Yakobi vandaka kubaka mikumba ya mwana ya ntete na valere mingi kuluta Ezau? (Baeb. 12:16, 17; w03-F 15/10 28-29) Inki mutindu Yehowa vandaka kutadila bo mpi sambu na nki? (Mal. 1:2, 3) Yo lombaka nde Ezau kusala nki sambu na kubaka balukanu ya mbote?

• Kudiyula nde: ‘Inki mutindu mambu yina mono ke salaka konso mposo lenda monisa nde mono ke sepelaka ti mambu ya kimpeve, mu mbandu ntangu mono ke yidikaka manaka ya lusambu ya dibuta?’