Baka Mambote na Bareferansi Yina Ke Vandaka na Kati-Kati ya Balutiti ya Biblia

Bareferansi ya baverse yina ke vandaka na kati-kati ya balutiti ya Mbalula ya Nsi-Ntoto ya Mpa, ke vandaka ti liste ya baverse ya nkaka yina ke tubila bansangu ya nkaka ya ke wakana ti verse mosi mpi yo ke monisaka nde mambu yonso ya kele na Biblia ke wakanaka. Sambu na kuzwa bareferansi yango, tala kisono mosi ya fioti ya alfabe na lweka ya ngogo mosi. Kana nge ke sadila Biblia ya papie, tala mpi kisono yango na ndonga ya bisono yina kele na kati-kati ya lutiti ya Biblia. Kana nge ke sadila jw.org to JW Library^®, nge fwete bweta na zulu ya kisono yango mpi yo ta nata nge na mbala mosi na baverse yina ke tubila mambu ya nkaka ya me tala disolo yango.

Bareferansi ya baverse lenda sadisa nge na kubakisa mambu yai na nsi to mambu ya nkaka:

Masolo ya mutindu mosi: Yo lenda nata nge na baverse ya nkaka ya ke tubila mpi disolo yina nge ke tanga. Mu mbandu, tanga 2 Samuele 24:1 mpi 1 Bansangu 21:1.

Mambu yina bo me vutukila: Bareferansi ya baverse ke tubilaka mpi kisika yina ngogo mosi to nsa mosi me katuka. Mu mbandu, tanga Matayo 4:4 mpi Kulonga 8:3.

Kulungana ya profesi mosi: Bareferansi ya baverse lenda tubila mpi profesi mosi mpi mutindu yo lunganaka. Mu mbandu, tanga Matayo 21:5 mpi Zekaria 9:9.