DILONGI 1

Bangogo ya Luyantiku ya Mbote

Bisalu 17:22

NA BUNKUFI: Bangogo na nge ya luyantiku fwete benda dikebi ya bawi. Nge fwete monisa pwelele ntu-diambu ya disolo na nge mpi mfunu na yo sambu na bawi.

MUTINDU YA KUSALA YO:

Benda dikebi ya bawi. Pona ngiufula, bangogo, mbandu to bansangu ya mpa yina lenda benda dikebi ya bawi.

Na luyantiku, tubila bangindu ya mfunu yina ke wakana ti bampusa ya bawi mpi yidika bangogo na nge ya luyantiku na kutadila bampusa na bo.
Monisa ntu-diambu ya disolo na nge. Sala na mpila nde bangogo na nge ya luyantiku kusadisa bawi na kubakisa pwelele ntu-diambu mpi lukanu ya disolo na nge.
Monisa mfunu ya disolo. Tuba mambu yina ke wakana kibeni ti bampusa ya bawi. Bo fwete bakisa mbote-mbote mambote ya bo ta baka na disolo yina.

Ntangu nge ke yidika disolo, kudiyula nde, ‘Inki mambu bampangi na dibundu ke kutana ti yo?’ Na nima, yidika bangogo na nge ya luyantiku na kutadila bampusa ya bampangi.