DILONGI 2

Tuba Mutindu Nge Ke Tubaka

2 Bakorinto 2:17

NA BUNKUFI: Tuba mutindu nge ke tubaka sambu na kubasisa mawi na nge sambu na disolo mpi sambu na bawi.

Samba mpi kudibongisa mbote-mbote. Samba Yehowa sambu yandi sadisa nge na kutula dikebi na malongi kansi ve na kimuntu na nge. Zaba bangindu ya mfunu yina nge ta longa. Tubila bangindu yango na bangogo na nge mosi kansi kuvutukila ve kaka bangogo yina bo me sonika.

Kana nge ta tanga baverse ya Biblia to mambu yina bo me sonika na mukanda ya nkaka, longuka yo mbote na ntwala sambu nge tanga mbote na meso ya bantu. Kana nge ke tanga bangogo ya muntu ya nkaka yina bo me vutukila, basisa mawi ya muntu yina, kansi kulutisa ve ndilu.
Tuba mambu ya ke katuka na ntima. Yindula malongi yina bawi na nge kele na mfunu ya kuwa. Tudila bo dikebi. Mpidina, mutindu na nge ya kutelama, bidimbu ya nge ta sala mpi luse na nge ta monisa nde nge kele na kiese mpi nge ke zolaka bo.

Kuvila ve nde kutuba mutindu nge ke tubaka ke tendula ve kutuba bonso bandi. Sambu bantu kubaka na mbalu nsangu yina nge ke longa, tuba na luzitu mpi zitisa mutindu bantu ke tubaka ndinga yina.
Tala bawi. Talaka bawi. Kana nge ke sala diskure, bantangu ya nkaka yo ta lomba nde nge tala muntu mosi yina kele na kimvuka, na kisika ya kutala-tala bantu yonso.