“Zola Yina Kristu Kele na Yo Ke Yalaka Beto”

Inki ke pusaka beto na kuyambula ve kulanda Yezu? Ntumwa Polo ke pesa mvutu nde: “Zola yina Kristu kele na yo ke yalaka beto.” (2 Bakorinto 5:14) Na kitini yai, beto ta longuka zola yina Yezu kele ti yo sambu na Yehowa, sambu na bantu yonso, mpi sambu na konso muntu na kati na beto. Kulonguka yai ta vanda ti bupusi na luzingu na beto. Kana beto longuka zola yina Yezu monisaka, yo ta simba ntima na beto mpi beto ta zola kulanda mbote-mbote mbandu ya Mfumu na beto.