Dilongi Mosi ya Luvunu Kenataka na Dilongi Yankaka ya Luvunu
NTUMWA POLO kusonikilaka Bakristu ya vandaka kuzinga na kitini ya nsuka ya mvu-nkama ya ntete T.B. nde: “Beno keba.” Sambu na nki yandi kebisaka bo? “Mbaimbai bantu ta kumisa beno bampika na bo na malongi na bo ya mpamba-mpamba ti ya luvunu, yina ke katukaka na mambu yina ya bantu ke longaka ti na bampeve yina ke yalaka bantu ya nsi-ntoto, kansi yo ke katukaka na malongi ya Kristo ve.”—Kolosai 2:8.
Ata Polo kupesaka lukebisu yina, banda na katikati ya mvu-nkama ya zole T.B., Bakristu yankaka yantikaka kusadila bangindu ya bafilozofe ya ntama sambu na kutendula balukwikilu na bo. Sambu na nki? Bo vandaka kuzola nde bantu ya melongukaka mingi ya Kintinu ya Roma kundima bo mpi mpidina bo lendaka kukumisa bantu mingi Bakristu.
Justin Martyr, mosi na kati ya Bakristu yai ya kuzabanaka mingi, vandaka kukwikila nde Kinati-Ndinga ya Nzambi kumonanaka yandi mosi na bafilozofe ya Greki bamvula mingi na ntwala ya kukwisa ya Yezu. Na kutadila Justin mpi balongi yina vandaka kulonga bangindu ya mutindu mosi; sambu filozofi mpi masapu kukotaka na Bukristu yo salaka nde dibundu yai kumwangana mpenza na ntoto ya mvimba.
Bantu kumaka kusadila mingi Bukristu ya Justin Martyr sambu na kukumisa bantu Bakristu. Kansi, kundima dilongi mosi ya luvunu kunataka bantu na kuganga malongi yankaka ya luvunu mpi kusala malongi yina bantu mingi kekwikilaka bubu yai nde yo kele malongi ya Bukristu. Sambu na kutungulula malongi yai ya luvunu, fwanisa mambu yina mikanda yai ya kelanda ketuba ti mambu yina Biblia kelongaka mpenza.
[Kifwanisu ya kele na lutiti 3]
[Bangogo ya kemonisa kisina ya bafoto ya kele na lutiti 3]
Dyabulu: Barrators—Giampolo/The Doré Illustrations For Dante’s Divine Comedy/Dover Publications Inc.; bawanzyo: Art Resource, NY; foto ya butatu: Museo Bardini, Florence