Inki Mambu Biblia Ke Tubaka?

Keti beto ke zinga na “bilumbu ya nsuka”?

Inki mvutu nge ta pesa?

• Ee

• Ve

• Mbala ya nkaka

Mambu yina Biblia ke tubaka

“Na bilumbu ya nsuka bantangu ya mpasi mpi ya nku ta vanda.” (2 Timoteo 3:1) Bambikudulu ya Biblia mpi mambu ya ke salama bubu yai, ke monisa nde beto ke zinga na “bilumbu ya nsuka.”

Inki mambu ya nkaka beto lenda longuka na Biblia?

• Na bilumbu ya nsuka, bitumba, nzala, kunikana ya ntoto, mpi bamaladi mingi ya ke fwaka bantu ta vanda.—Matayo 24:3, 7; Luka 21:11.

• Na bilumbu ya nsuka, bikalulu ya mbote ya bantu mpi bikalulu na bo ya kimpeve ta beba.—2 Timoteo 3:2-5.

Luzingu ya bantu ta vanda nki mutindu na bilumbu ke kwisa?

Bantu ya nkaka ke kwikilaka nde . . . bilumbu ya nsuka ta suka ntangu ntoto mpi bantu yonso yina kele na kati na yo ta fwa, kansi bankaka ke yindulaka nde mambu ta toma. Inki kele dibanza na nge?

Mambu yina Biblia ke tubaka

“Bantu ya lunungu ta baka ntoto, mpi bo ta zinga kimakulu na zulu na yo.”—Nkunga 37:29.

Inki mambu ya nkaka beto lenda longuka na Biblia?

• Bilumbu ya nsuka ta suka ntangu bo ta katula mambu yonso ya mbi.—1 Yoane 2:17.

• Ntoto ta kuma paladisu.—Yezaya 35:1, 6.