LYNNONG 04

U Blei U Dei Uei?

Printed Edition

Naduh mynhyndai ki briew ki mane ïa shibun ki blei. Hynrei ka Baibl ka kren shaphang uwei U Blei ‘uba khraw tam ban ïa ki blei baroh.’ (2 Khronikl 2:5) Uta u dei uei? Bad kaei kaba pynlong ïa u ban long uba kham khraw ban ïa kiwei pat ki blei? Ha kane ka lynnong phin sa pule shaphang kaei kaba une U Blei u kwah ïa phi ban tip shaphang jong u. Une U Blei u la pynithuh ïalade ha ngi. Ha kane ka lynnong phin sa tip shuh shuh shaphang jong u.

1. Kaei ka kyrteng jong U Blei, bad kumno ngi tip ba u kwah ïa ngi ban tip ïa ka kyrteng jong u?

Ha ka Baibl, U Blei u pynithuh ïalade ha ngi. U ong: “Nga long U Jehobah.” (Pule Eksodos 6:2,3.) Ïa ka kyrteng “Jehobah” la pynkyllaktien na ka ktien Hebru, kaba mut, “U Lah ban Pynlong ïa kiei kiei ba kin Jia katkum ka Mon jong U.” U Jehobah u kwah ïa ngi ban tip ïa ka kyrteng jong u. (Eksodos 3:15) Kumno ngi lah ban tip thikna ïa kata? Ha ka Baibl, ka kyrteng jong u ka la paw palat 7000 sien!a Ka kyrteng Jehobah ka dei ka kyrteng jong “U Blei ha ki bneng shajrong bad ha ka pyrthei shapoh.”—Deuteronomi 4:39.

2. Ka Baibl ka ïathuh aïu shaphang U Jehobah?

Ka Baibl ka ong ba na ki blei baroh ba ki briew ki ïamane, dei tang U Jehobah uba long U Blei uba shisha. Balei? Don shibun ki daw. U Jehobah u long uba donbor tam bad dei tang ma u “u Bahakhlieh tam eh halor ka khyndew baroh.” (Pule Salm 83:18.) U long uba donbor tam, kaba mut, u don ka bor ban leh ïa kat kaba u kwah. U la ‘thaw ïa kiei kiei baroh’—ha ka pyrthei bad ha haw haw ruh. (Jingpynpaw 4:8, 11) Ym kum kiwei pat ki blei, um don jingsdang bad um don jingkut.—Salm 90:2.

WAD SHUH SHUH

Peit bniah ïa ka jingïapher hapdeng ki kyrteng sin jong U Blei kum u Trai ne u Blei, bad ka kyrteng bashisha jong u. Peit ruh kumno bad balei u la pynpaw ïa la ka kyrteng ha phi.

U briew u peit ïa ki khlur mynmiet. Ka kyrteng Jehobah kaba la thoh ha ka dur jong ka sahit bneng.

3. U Blei u don shibun ki kyrteng sin hynrei tang kawei ka kyrteng bashisha

Ban sngewthuh ïa ka jingïapher hapdeng ka kyrteng sin jong u briew bad ka kyrteng bashisha jong u,peit ïa ka VIDEO, bad nangta sa ïa peit lang ïa kane ka jingkylli harum:

VIDEO: Shibun ki Kyrteng Sin, hynrei tang Kawei ka Kyrteng Bashisha (0:41)

Kaei ka jingïapher hapdeng ka kyrteng bashisha bad ka kyrteng sin kum “u Trai”?

Ka Baibl ka ong ba ki briew ki mane ïa shibun ki blei bad ki trai. Pule Salm 136:1-3, bad nangta sa ïa peit lang ïa kane ka jingkylli harum:

Mano ba dei “U Blei jong ki blei” bad “U Trai ki trai”?

4. U Jehobah u kwah ïa phi ban tip bad ban pyndonkam ïa ka kyrteng jong u

Kumno phi tip ba U Jehobah u kwah ïa phi ban tip ïa ka kyrteng jong u? Peit ïa ka VIDEO, bad nangta sa ïa peit lang ïa kane ka jingkylli harum:

VIDEO: Hato U Blei U Don Kyrteng?—Shi Bynta (3:11)

Ka bynta na ka video “Hato U Blei U don kyrteng?—Shi Bynta.’ U briew u peit bniah ïa ka kyrteng jong U Blei, Jehobah, ha Salm 83:18, ha ka Baibl ‘King James Version’ jong u snem 1611.

Hato phi tharai ba U Jehobah u kwah ïa phi ban tip ïa ka kyrteng jong u? Balei?

U Jehobah u kwah ba ki briew kin pyndonkam ïa ka kyrteng jong u. Pule Rom 10:13, bad nangta sa ïa peit lang ïa kine ki jingkylli harum:

Haduh katno ka long kaba kongsan ban pyndonkam ïa ka kyrteng jong U Blei, U Jehobah?
Kumno phi sngew haba kiwei ki kynmaw ïa ka kyrteng jong phi bad haba ki khot ïa phi da ka kyrteng?
Kumno phi tharai U Jehobah u sngew haba phi pyndonkam ïa ka kyrteng jong u?

5. U Jehobah u kwah ïa phi ban don ka jingïadei kaba jan bad u

Iwei i kynthei iba kyrteng i Soten i la ong ba naduh ba i la tip ïa ka kyrteng jong U Blei, ka jingim jong i ka la kylla bak-ly-bak. Peit ïa ka VIDEO, bad nangta sa ïa peit lang ïa kane ka jingkylli harum:

VIDEO: Nga la Wad ïa U Blei Bashisha (8:18) (Phareng)

Ki Dur: Ki bynta na ka video ‘Nga la Wad ïa U Blei Bashisha.’ 1. I Soten i shong ha trai dieng ha khlaw, i khmied sha suiñ bneng, bad i duwai ha U Blei bashisha. 2. I Herold i hikai ïa i Soten ba ka kyrteng jong U Blei ka dei U Jehobah.

Ha ka video, kumno ka jingtip jong i Soten ïa ka kyrteng jong U Blei ka la ktah ïa i?

Shuwa ba phin long i paralok jongno jongno bunsien phi ju tip shuwa ïa ka kyrteng jong ki. Pule Jakob 4:8a, bad nangta sa ïa peit lang ïa kine ki jingkylli harum:

U Jehobah u kwah ïa ngi ban leh aïu?
Kumno ka jingtip bad ka jingpyndonkam ïa ka kyrteng U Blei kan ïarap ïa phi ban don ka jingïadei kaba jan bad u?

DON KIBA ONG: “Don tang uwei U Blei, te kam pher la phi khot ïa u da kano kano ka kyrteng ruh.”

Hato phi ngeit ba ka kyrteng jong U Blei ka dei Jehobah?
Balei phi lah ban ong ba U Blei u kwah ïa ngi ban pyndonkam ïa ka kyrteng jong u?

KI MAT BAKONGSAN

Ka kyrteng jong U Blei bashisha ka dei Jehobah. U kwah ïa ngi ban tip bad ban pyndonkam ïa kata ka kyrteng khnang ba ngin lah ban kham jan sha u.

Peit Biang

Ha kano ka rukom U Jehobah u pher na kiwei pat ki blei kiba ki briew ki ïamane?
Balei ngi dei ban pyndonkam ïa ka kyrteng jong U Blei?
Kumno phi tip ba U Jehobah u kwah ïa phi ban jan sha u?

Ka tarik ba la pyndep:

Ka Thong

Haba phi kren shaphang U Blei, pyndonkam ïa ka kyrteng jong u, U Jehobah.

Kiwei de ki thong:

Your other goal

PULE SHUH SHUH

Peit bniah ïa san tylli ki daw ba balei ngi lah ban tip thikna ba U Blei u don.

“Hato U Blei U don shisha?” (Na jw.org, Phareng)

Peit balei ka sngew ïahap ban ong ba U Blei u la don lypa.

“Mano ba la thaw ïa U Blei?” (Ka Kutphira, Nailar 1, 2014, Phareng)

Peit balei ngi dei ban pyndonkam ïa ka kyrteng jong U Blei, watla ngim tip ïa ka rukom kynnoh bashisha.

“U Jehobah U Dei Uei?” (Na jw.org, Phareng)

Hato ka don jingpher la ngi khot ïa u Blei da kano kano ka kyrteng ruh? Peit balei ngi lah ban ong ba u don tang kawei ka kyrteng.

“U Blei U Don Katno Tylli ki Kyrteng?” (Na jw.org, Phareng)

a Ban tip kham bniah shaphang ka jingmut jong ka kyrteng U Blei, bad balei la weng noh ïa ka kyrteng jong u na ki katto katne ki jingpynkyllaktien jong ka Baibl, peit ïa ka Appendix A4 ha ka New World Translation of the Holy Scriptures.