Lynnong 02

Ka Baibl ka Ai Jingkyrmen

Printed Edition

Ki briew ha kylleng ka pyrthei ki don shibun ki jingeh kiba pynlong ïa ki ban sngewsih, ban khuslai, bad ban jynjar. Hato ka long kumta ïa phi ruh? Lehse phi jynjar na ka daw jong ka jingpang ne namarba kiba ieid ba thoiñ jong phi ki la khlad. Lehse phi pyrkhat ha lade, ‘Hato ki jingjynjar jong nga kin kut?’ Ka Baibl ka jubab ïa kata ka jingkylli.

1. Kaei ka jingkyrmen ba ka Baibl ka ai?

Ka Baibl ka batai balei ngi mad shibun ki jingeh. Ka ai ruh ïa ngi ïa ka khubor babha ba shen U Blei un sa weng noh ïa kine ki jingeh baroh. Ki jingkular jong ka Baibl ki lah ban ai ïa phi ka jingkyrmen bad ka lawei. (Pule Jeremaïah 29:11) Kine ki jingkular ki lah ban ïarap ïa ngi ban ïaleh bad la ki jingeh bad ban long kiba kmen wat mynta ruh. Ka kular ruh ba ha ka lawei ngin long kiba kmen shi junom.

2. Ka Baibl ka kular aïu shaphang ka lawei?

Ka Baibl ka ong ba ha ka lawei, ‘ka jingïap kan ym don shuh, lymne ka jingsngewsih, lymne ka jingïam, lymne ka jingpang kan ym don shuh.’ (Pule Jingpynpaw 21:4) Ki jingeh kum ka jingduk, ka jingshah leh bymhok, ka jingpang bad ka jingïap kiba pynjynjar ïa ngi mynta kin ym don shuh. Ka Baibl ka kular ba ki briew kin ïoh ban im ka jingim kaba suk bad kaba kmen shi junom ha ka paradais ha pyrthei.

3. Kumno phi lah ban thikna ba ki jingkular jong ka Baibl kin urlong?

Ki briew ki kyrmen ïa kiei kiei kiba bha, tangba kim lah ban thikna la ki jingkyrmen jong ki kin urlong ne em. Hynrei ki jingkular jong ka Baibl pat ki pher. Ngi lah ban thikna ba ki jingkular jong ka kin urlong da kaba “ïit bniah ïa ki jingthoh.” (Kam 17:11) Katba phi nang pule ïa ka Baibl, katta phin sa nang ban rai hi da lade la phi lah ne em ban ngeit ïa kaei ba ka ong shaphang ka lawei.

WAD SHUH SHUH

Peit bniah ïa ki katto katne ki jingkular jong ka Baibl shaphang ka lawei. Peit ruh ba kumno ka jingkyrmen jong ka Baibl ka ïarap ïa ki briew mynta.

Ki dur: Ki jingïapher ha ka jingim kaba mynta bad ka jingim kaba ha ka lawei, kiba katkum ki jingkular jong ka Baibl. Ki juh ki dur ki paw biang harum.

4. Ka Baibl ka kular ïa ngi ba ngi lah ban im junom khlem kano kano ka jingjynjar

Peit ïa kine ki jingkular jong ka Baibl harum. Kano na kine ki jingkular phi kham sngewtynnad? Balei?

Pule ïa ki dkhot Baibl kiba don harum, bad pyrkhat shaphang kine ki jingkylli:

Hato phi sngew ba kine ki dkhot Baibl ki ai jingkyrmen ïa phi? Hato ki lah ban ai jingkyrmen ïa ka ïing ka sem bad ïa ki paralok jong phi ruh?

Mutdur ïalade ha ka pyrthei, ha kaba

YN YM DON KI BAN . . .	BAROH KIN . . .
sngewsih, tymmen, ne ïap. —Isaïah 25:8.	ïohi ïa la kiba ieid ba thoiñ kiba la ïap ba ki im biang ha kane ka pyrthei.—Ïoannis 5:28, 29.
pang ne don jingduna ha ki dkhot met.—Isaïah 33:24; 35:5, 6.	ïoh ïa ka met ka phad kaba shait ba khlaiñ bad ka jinglong samla.—Job 33:25.
shah leh bymhok. —Isaïah 32:16, 17.	pahuh ka bam ka dih, don ka ïing la jong, bad trei ki kam kiba sngewhun.—Salm 72:16; Isaïah 65:21, 22.
jynjar namar ka thma. —Salm 46:9.	ïoh ka jingsuk bashisha.—Salm 37:11.
kynmaw ïa ki jingjia ba sngewsih.—Isaïah 65:17.	im junom ha ka jingjanai.—Salm 37:29.

U khynnah rit uba pang, mynta pat u la shait la khlaiñ bad u kdup ieid ïa la ka kmie.

U briew uba tymmen u la samla biang bad u ñiat ïa ka kali kaba dap da ki jhur.

5. Ki jingkular jong ka Baibl ki lah ban pynkmen ïa phi wat mynta ruh

Bun ki briew ki sngewsih haba ki ïohi ïa ki jingeh ha kylleng ka pyrthei. Don lei lei kiba dom bad kiba pyrshang ban wanrah jingkylla ruh. Hynrei hadien ba ki tip ba U Blei un sa leh eiei ban pynbha ïa ka pyrthei, kata ka pyntngen ïa ki. Peit ïa ka VIDEO, bad nangta sa ïa peit lang ïa kine ki jingkylli harum:

VIDEO: Nga la Kwah ban Pynduh ïa ka Jingleh Bymhok (4:07) (Phareng)

Ki dur: Ki bynta jong ka video ‘Nga la Kwah ban Pynduh ïa ka Jingleh Bymhok.’ 1. I Rafika i kheit kynphad bad la ki para jait la jong ha ka por ba i dang khynnah. 2. I Rafika i la sngewkmen eh ban ïohi ha ka sien banyngkong ba ki briew na ki jaidbynriew bapher bapher ki ïa shong lang ha ka jingïaseng heh jong ki Nongsakhi U Jehobah.

Ha kane ka video, kaei kaba la pynsngewsih ïa i Rafika?
Wat la ka jingleh bymhok ka khlem kut, kumno ka Baibl ka la ïarap ïa i?

Ka jingkyrmen ba ka Baibl ka ai shaphang ka lawei ka lah ban ïarap ïa ngi ban ïaleh bad la ki jingsngewsih, bad ban ïaishah ïa ki jingeh. Pule Proberb 17:22 bad Rom 12:12, bad nangta sa ïa peit lang ïa kine ki jingkylli harum:

Hato phi tharai ba ka jingkyrmen jong ka Baibl ka lah ban ïarap ïa phi mynta? Balei?

DON KIBA ONG: “Ki jingkular jong ka Baibl ki long ki bym sngew lah ngeit.”

Balei tharai phi sngew ba ka long kaba donkam ban wad bniah bad ban pynshisha hi ïalade ïa kaei ba ka Baibl ka ong?

KI MAT BA KONGSAN

Ka Baibl ka kular ïa ngi ïa ka lawei kaba dap da ka jingkmen. Kane kan ïarap ïa ngi ban ïaishah bad ban ïaleh ïa ki jingeh.

Peit Biang

Balei ki briew ki donkam jingkyrmen?
Ka Baibl ka ong aïu shaphang ka lawei?
Kumno ka jingkyrmen shaphang ka lawei ka lah ban ïarap ïa ngi mynta?

Ka tarik ba la pyndep ïa kane ka lynnong:

Ka Thong

Pyrshang ban pule bad ban kynmaw ïa ki dkhot Baibl kiba don ha kane ka lynnong shaphang ki jingkular jong U Blei.

Kiwei de ki thong:

Your other goal

PULE SHUH SHUH

Peit shuh shuh kumno ka jingkyrmen ka lah ban ïarap ïa phi haba phi don jingeh.

“Ka Jingkyrmen—Naei Phin Ïoh Ïa Ka?” (Awake!, April 22, 2004, Phareng)

Peit ha kano ka rukom ka jingkyrmen ka lah ban ïarap ïa kito kiba la pang slem bha.

“Ban Im bad ka Jingpang ka bym lah ban Pynkoit—Hato ka Baibl ka Lah ban Ïarap?” (Na jw.org, Phareng)

Haba phi peit ïa kane ka video, mutdur ïalade bad ïa la ka ïing ka sem ba phi ïa im lang ha ka jingsuk jingkmen ha ka Paradais ha pyrthei.

Mutdur ïa ka Lawei (Phareng) (3:37)

Pule kumno ka jingkyrmen jong ka Baibl shaphang ka lawei ka la pynkylla ïa ka jingim jong uwei u briew uba ïaleh na ka bynta ka hok jong kiwei.

“Nga Sngew ba Ngam Donkam Shuh ban Pynkylla ïa ka Pyrthei” (Ka Kutphira, Naitung 1, 2013, Phareng)