6 Njũi nĩ ĩgaaikaranagia kwa ihinda na kagondu,+

Nayo ngarĩ na kabũri igakoma hamwe,

Na njaũ na mũrũthi* na nyamũ ĩrĩa norie igaakoragwo hamwe ciothe;*+

Na igaatongoragio nĩ kahĩĩ kanini.

 7 Ngʼombe na nduba ikaarĩaga hamwe,

Na twana twacio tũgakoma hamwe.

 8 Kaana ga kuonga gagaathaakagĩra igũrũ rĩa irima rĩa nduĩra,

Na kaana gatigĩte kuonga gakaaiga guoko gwako kĩmamo-inĩ kĩa nyoka ĩrĩ thumu.

 9 Itikaagerana ngero o na hanini,+

Kana irehe mwanangĩko o wothe kĩrĩma-inĩ gĩakwa gĩothe kĩrĩa kĩamũre,+

Tondũ hatarĩ nganja thĩ nĩ ĩkaaiyũrũo nĩ ũmenyo wĩgiĩ Jehova

 9 Gũtirĩ mũrũthi ũgaakorũo kuo,

Na gũtirĩ nyamũ njũru ya gĩthaka ĩgooka thĩinĩ wayo.

Itikooneka kuo;+

Andũ arĩa makũũrĩtwo no o tu makaamĩgerera.+

25 Njũi na kagondu ikaarĩaga hamwe,

Mũrũthi ũkaarĩaga nyeki o ta ndegwa,+

Nacio irio cia nyoka igaakorũo irĩ tĩri.

18 Mũthenya ũcio nĩ ngaarĩkanĩra kĩrĩkanĩro na nyamũ cia gĩthaka nĩ ũndũ wao,+

Na ndĩkanĩre na nyoni cia rĩera-inĩ* na ciũmbe iria itambaga thĩ;+

Nĩ ngeeheria ũta na rũhiũ rwa njora na mbaara thĩinĩ wa bũrũri,+

Na nĩ ngaatũma makomage* marĩ na ũgitĩri.+