Marũa ma Mbere Kũrĩ Akorintho

13 O na ingĩaria na thiomi cia andũ na cia araika, no ngorũo itarĩ na wendo, ingĩkorũo haana o ta ngengere ĩranegena kana thani ĩrĩa ĩhũũrithanagio ĩkagamba. 2 Na ingĩkorũo na kĩheo gĩa kũratha mohoro na ndaũkĩrũo nĩ hitho ciothe iria theru na ngĩe na ũmenyo wothe,+ o na ngorũo na wĩtĩkio mũnene ũngĩhota gũthamia irĩma, no ngorũo itarĩ na wendo, ndĩ wa tũhũ.+ 3 O na ingĩruta indo ciakwa ciothe nĩgetha he andũ angĩ gĩa kũrĩa,+ na ingĩruta mwĩrĩ wakwa nĩguo ndĩĩrahe, no ngorũo itarĩ na wendo,+ ndingĩgunĩka o na hanini.

4 Wendo+ nĩ ũrĩ wetereri*+ na ũtugi.+ Wendo ndũrĩ ũiru.+ Wendo ndwĩgaathaga, ndũrĩ mwĩtĩo,+ 5 ndũrĩ mĩtugo mĩũru,+ ndũcaragia ũrĩa ũngĩĩguna guo mwene,+ ndũrakaraga na ihenya.+ Ndũtaraga maita marĩa ũhĩtĩirio.+ 6 Ndũkenagĩra maũndũ matarĩ ma ũthingu,+ no ũkenaga hamwe na ũhoro wa ma. 7 Wĩtiiragia maũndũ mothe,+ wĩtĩkagia maũndũ mothe,+ wĩrĩgagĩrĩra maũndũ mothe,+ ũkiragĩrĩria maũndũ mothe.+

8 Wendo ndũrĩ hĩndĩ ũthiraga. No angĩkorũo nĩ harĩ iheo cia kũratha mohoro, nĩ ikaaniinwo; angĩkorũo nĩ harĩ thiomi,* nĩ igaathira; angĩkorũo nĩ harĩ ũmenyo, nĩ ũkaaniinwo. 9 Nĩ ũndũ tũkoragwo na ũmenyo o gĩcunjĩ+ na tũrathaga mohoro o gĩcunjĩ, 10 no hĩndĩ ĩrĩa ũndũ ũrĩa mũkinyanĩru ũgooka, ũndũ ũrĩa ũtarĩ mũkinyanĩru nĩ ũkaaniinwo. 11 Hĩndĩ ĩrĩa ndarĩ mwana, ndaragia o ta mwana, ndeciragia o ta mwana, ndecũranagia o ta mwana; no rĩu tondũ nĩ nduĩkĩte mũndũ mũgima, nĩ ndiganĩte na maũndũ ma wana. 12 Ihinda-inĩ rĩrĩ tuonaga na mairia, o ta tũrarora na gĩcicio gĩa cuma, no hĩndĩ ĩyo nĩ tũkoona ũthiũ kwa ũthiũ. Ihinda-inĩ rĩrĩ, ndimenyaga maũndũ wega, no hĩndĩ ĩyo nĩ ngaamamenya wega,* o ta ũrĩa niĩ njũĩkaine wega. 13 No rĩrĩ, maũndũ maya matatũ nĩ magaatigara: wĩtĩkio, kĩĩrĩgĩrĩro, wendo; no ũndũ ũrĩa mũnene makĩria harĩ macio nĩ wendo.+