Riuma rĩa Wĩruti

MUOROTO WA ICUNJĨ CIA WĨRUTI

GĨCUNJĨ KĨA 1 KARATATHI GA 3-7

Mũthamaki Daudi wa Isiraeli ya tene nĩ aatĩĩte mũno rĩĩtwa rĩa Jehova na muoroto wake. Ningĩ nĩ aataũkagĩrũo nĩ ũrutani ũrĩa warĩ Watho-inĩ wa Ngai na akamũhoyaga amũrute gwĩka wendi Wake, o ta ũrĩa gĩcunjĩ gĩkĩ kĩronania. Gĩcunjĩ gĩkĩ ningĩ nĩ gĩgũtũteithia kuona nĩkĩ nĩ twagĩrĩirũo gũkoragwo na muonere wa Jehova wa maũndũ hĩndĩ ciothe.

GĨCUNJĨ GĨA 2, 3 KARATATHI GA 10-19

Tondũ o nĩ arũmĩrĩri a Jesu, Akristiano a ma nĩ moĩ bata wa gũkorũo marĩ enyihia. Gĩcunjĩ kĩa mbere kĩarĩrĩirie kĩonereria kĩa wĩnyihia kĩrĩa Jesu aatũigĩire nĩguo tũkinyage o makinya-inĩ make. Gĩcunjĩ gĩa kerĩ kĩonanĩtie ũrĩa tũngĩkũria roho wa ũrĩa mũnyinyi na tuonanie ngumo ĩyo ũtũũro-inĩ witũ.

GĨCUNJĨ GĨA 4, 5 KARATATHI KA 21-30

Icunjĩ ici nĩ igũtũteithia kuona ũrĩa Jehova akoragwo ehaarĩirie kuohera andũ nginya mehia marĩa maritũ mũno. Maũndũ mamwe no matũme rĩmwe na rĩmwe ũkorũo ũrĩ ũndũ mũritũ harĩ ithuĩ kuohanĩra. O na kũrĩ ũguo, motaaro ma Kĩĩmandĩko no matũteithie gũtooria ũndũ ũcio..