Rĩĩtwa rĩa Ngai (rĩrĩa rĩthiũrũrũkĩirio) o ta ũrĩa rĩonekaga thĩinĩ wa maandĩko ma tene ma Bibilia
Bibilia Yugaga Atĩa?
Hihi Ngai nĩ arĩ rĩĩtwa?
ANDŨ AMWE MOIGAGA atĩ ndarĩ rĩĩtwa, angĩ makoiga etagwo Ngai kana Mwathani, o na angĩ makoiga arĩ marĩĩtwa maingĩ. Wee wonaga atĩa?
ŨRĨA BIBILIA YUGAGA
“Wee, o wee wĩtagwo JEHOVA, nowe wiki Ũrĩa-wĩ-Igũrũ-Mũno o igũrũ rĩa thĩ yothe.”—Thaburi 83:18.
NĨ ATĨA ŨNGĨ TWĨRUTAGA KUUMA BIBILIA-INĨ?
O na gũtuĩka Ngai nĩ arĩ marĩĩtwa maingĩ ma ũnene, eheete rĩĩtwa o rĩmwe tu.—Thama 3:15.
Ngai ti kĩriga; nĩ endaga tũmũmenye. —Atũmwo 17:27.
Kũmenya rĩĩtwa rĩa Ngai no gũkorũo kũrĩ ikinya rĩa mbere rĩa kũgĩa na ũrata hamwe nake. —Jakubu 4:8.
Hihi nĩ ũũru kũgweta rĩĩtwa rĩa Ngai?
HIHI ŨNGIUGA ATĨA?
Ĩĩ?
Aca?
No gũkorũo?
ŨRĨA BIBILIA YUGAGA
‘Ndũkanagwete rĩĩtwa rĩa Jehova Ngai waku na itherũ.’ (Thama 20:7) Tũngĩhũthĩra rĩĩtwa rĩa Ngai na njĩra ĩtarĩ ya gĩtĩo, norĩo tũngĩkorũo twĩkĩte ũũru.—Jeremia 29:9.
NĨ ATĨA ŨNGĨ TŨNGĨĨRUTA KUUMA BIBILIA-INĨ?
Jesu nĩ oĩ rĩĩtwa rĩa Ngai na nĩ aarĩhũthagĩra. —Johana 17:25, 26.
Ngai nĩ endaga tũmwĩte na rĩĩtwa rĩake. —Thaburi 105:1.
Thũ cia Ngai nĩ igeragia gũtũma andũ mariganĩrũo nĩ rĩĩtwa rĩa Ngai.—Jeremia 23:27.