Hihi nĩ Ũĩ Njĩra Ingĩ Ũngĩhũthĩra?

Ũrigitani wa arwaru gũthĩnjwo mategwĩkĩrũo thakame nĩ ũndũ wongererekete mũno mathibitarĩ-inĩ maingĩ thĩinĩ wa thĩ. Hihi nĩ ũĩ wega njĩra imwe iria irĩ kuo irahũthĩrũo nĩ mandagĩtarĩ arĩa marigitanaga matekũhũthĩra thakame? Nĩ ũrabatara kũmenya nĩguo ũtue matua ma ũũgĩ makoniĩ ũrigitani na gũthĩnjwo. Wĩrorere vidio No Blood—Medicine Meets the Challenge. Thutha wa kwĩrorera vidio ĩyo-rĩ, cokera ũrĩa weruta ũkĩhũthĩra ciũria iria irĩ haha mũhuro.—Ririkana: Tondũ vidio ĩno nĩ ĩkoragwo na tũcunjĩ tuonanagia arwaru magĩthĩnjwo, aciari nĩ magĩrĩirũo kũhũthĩra ũũgĩ rĩrĩa mekwĩrorera marĩ na ciana nyinyi. Kũrĩa gũtarĩ na vidio ĩyo-rĩ, arĩrĩriai “Maswali Kutoka Kwa Wasomaji” ngathĩti-inĩ ya Mnara wa Mlinzi ya Juni 15, 2004 na ya Oktomba 15, 2000, kana “Je, Wewe Uko Tayari Kukabili Hali Ngumu ya Kitiba Yenye Kujaribu Imani?” kuuma Huduma ya Ufalme Yetu ya Novemba 1990, na mwarĩrĩrie ciũria iria irĩ haha mũhuro iria ingĩhũthĩka.

(1) Gĩtũmi kĩnene kĩrĩa gĩtũmaga Aira a Jehova marege gwĩkĩrũo thakame nĩ kĩrĩkũ? (2) Aira a Jehova mendaga atĩa ũhoro-inĩ wĩgiĩ ũrigitani? (3) O mũrwaru akoragwo na kĩhooto kĩrĩkũ kĩa mũthingi? (4) Nĩkĩ arĩ ũndũ wa ũũgĩ kũũria ndagĩtarĩ ahũthĩre ũrigitani ũngĩ ũtekũhũthĩra thakame? (5) Mũrwaru angiura thakame mũno-rĩ, nĩ maũndũ marĩkũ merĩ ma na ihenya ndagĩtarĩ mangĩka? (6) Nĩ njĩra irĩkũ inya ndagĩtarĩ mangĩhũthĩra ũrigitani-inĩ ũtarĩ wa kũhũthĩra thakame? (7) Nĩ na njĩra irĩkũ ndagĩtarĩ (a) mangĩgirĩrĩria kuura thakame mũno, (b) mangĩhonokia tũhengereca tũtune, (c) mangĩtũma thakame yongerereke, na (d) mangĩhonokia thakame ĩrĩa ĩroira? (8) Taarĩria njĩra ici cia ũrigitani (a) Gũtwekia thakame na (b) kũhonokia thakame. (9) Nĩ maũndũ marĩkũ ũngĩenda kũmenya megiĩ ũrigitani ũtarĩ wa kũhũthĩra thakame? (10) Hihi njĩra ingĩ cia ũrigitani wa gũthĩnja mũrwaru ũrĩ na mũrimũ mũnene no ihũthĩrũo hatarĩ gwĩkĩrũo thakame? (11) Nĩ ũthii wa na mbere ũrĩkũ mwega ũrekĩka mwena-inĩ wa ũrigitani?

Nĩ mũndũ we mwene wagĩrĩire kwĩyamũrĩra kana nĩ egwĩtkĩra njĩra imwe cia ũrigitani iria cionanĩtio thĩinĩ wa vidio ĩyo, kũringana na thamiri yake ĩrĩa imenyeretio nĩ Bibilia. Hihi nĩ ũtuĩte itua rĩna rĩa njĩra cia ũrigitani iria ũngĩenda ihũthĩrũo harĩ we na ciana ciaku na ũgacoka ũkaihũria kandi ya DPA kana AMD (Mwelekezo wa Mapema Kuhusu Tiba)? Ũhoro ũcio nĩ ũtaarĩirio na njĩra ndikĩru na no ũũcokere wega thĩinĩ wa “Maswali Kutoka kwa Wasomaji” ngathĩti ya Mnara wa Mlinzi ya Juni 15, 2004, na Oktomba 15, 2000. Ũcoke ũhũthĩre karatathi ga thĩinĩ ka Huduma Yetu ya Ufalme ya Novemba 2006, “Nina Maoni Gani Kuhusu Visehemu vya Damu na Matibabu Yanayohusisha Damu Yangu Mwenyewe?,” nĩguo ũtue itua rĩaku rĩgiĩ njĩra cia ũrigitani iria ũngĩenda kana ũtangĩenda ihũthĩrũo harĩ we. Mũthia-inĩ, andĩka wega kandi-inĩ yaku ya DPA kana AMD, Nĩ wagĩrĩire nĩ kũmenyithia wega mwarĩrĩria waku wa ũrigitani na andũ angĩ a famĩlĩ matarĩ Aira a Jehova matua maku.