Young People Ask —What Will I Do With My Life? (Gĩcunjĩ gĩa 2)
Wahingũra video ya Young People Ask—What Will I Do With My Life? thiĩ harĩ Interviews, ũcoke ũthiĩ harĩ Sections. Thutha wa kwĩrorera icunjĩ icio ithatũ, hũthĩra ciũria iria irĩ kĩbungo-inĩ gĩa 2 gũcokera ũhoro ũcio. Ũcoke rĩngĩ o kĩambĩrĩria ũthiĩ harĩ Supplementary Material na thutha wa kwĩrorera o kĩmwe gĩa icunjĩ icio cia kũhoya ũhoro, ũhũthĩre ciũria iria irĩ kĩbungo-inĩ gĩa 3 gũcokera ũhoro ũcio.
Icunjĩ (Sections)—Kwĩrutĩra Harĩ Maũndũ ma Tũhũ Kana Harĩ Ngai (Dedication to Vain Pursuits or to God): (1) Nĩ maũndũ marĩkũ andũ ethĩ mahatĩkagwo mathingate? (2) Rĩandĩko rĩa 1 Johana 2:17 rĩngĩteithia atĩa andũ ethĩ kũmenya mũigana wa gĩthomo kĩrĩa megũthingata? (3) Nĩkĩ tũtiagĩrĩirũo kũreka guoya ũgirie tũbatithio? (4) Nĩ maũndũ marĩkũ mangĩtũteithia tũkinyĩrĩre kũbatithio? Kwĩruta Gũkenera Ũtungata Waku (Learning to Enjoy Your Ministry): (5) Nĩ kĩĩ gĩtũmaga andũ amwe maage gũkenera ũtungata? (6) Nĩ maũndũ marĩkũ mangĩtũteithia? (7) Nĩ ũndũ ũrĩkũ andũ amwe metigĩrĩte o na gũkĩra kwaria na mũndũ matoĩ, na nĩkĩ? (8) Tũngĩtooria atĩa guoya witũ na tũkũrie ũcamba wa kwaria? (9) Nĩkĩ gũkũria ũhoti wa kũrutana ũtungata-inĩ o nakuo nĩ kwa bata? Mũrango Mũhingũre wa Ũtungata (An Open Door to Service): (10) Ũpainia ũheaga mũndũ mĩeke mĩingĩ ya gũkũra kĩĩroho atĩa? (Afil. 3:16) (11) Nĩ kĩĩ gĩtũmaga amwe metigĩre kũingĩra ũtungata-inĩ ũcio? (12) Nĩ motaaro marĩkũ ma Kĩĩmandĩko mangĩtũteithia kũhiũrania na mĩtangĩko ya kĩĩmbeca? (13) Andũ amwe marutaga mawĩra marĩkũ nĩguo mone mabataro mao makĩpainia? (14) Mũndũ angĩka atĩa angĩkorũo maũndũ matiramwĩtĩkĩria kũingĩra ũtungata-inĩ wa mahinda mothe?
Ũhoro Muongerere (Supplementary Material)—Ũguni wa Wĩruti wa Mũndũ Kĩũmbe (The Value of Personal Study): (15) Nĩkĩ mũtugo mwega wa mũndũ kwĩruta we mwene nĩ wa bata? Alternative Witnessing (marĩa rĩu metagwo mahunjio ma kũndũ kwa mũingĩ): (16) Kũhũthĩra njĩra itiganĩte cia kũhunjia kũngĩongerera atĩa gĩkeno gitũ? Ũtungata wa Betheli (Bethel Service): (17) Irathimo imwe cia gũtungata Betheli nĩ irĩkũ? Cukuru ya Kũmenyeria Maũndũ ma Ũtungata (Ministerial Training School): (18) Arĩa mathiĩte cukuru ĩyo (ĩrĩa rĩu ĩĩtagwo Cukuru ya Bibilia ya Ariũ a Ithe Witũ Arĩa Matahikanĩtie) magunĩkĩte atĩa? Kũmenyerio Kũgerera Cukuru ya Gileadi (Gilead Missionary Training): (19) Peter na Fiona meeharĩirie atĩa nĩ ũndũ wa wĩra wa ũmishonarĩ, na maagunĩkire atĩa kuumana na Gileadi?