Young People Ask —What Will I Do With My Life? (Gĩcunjĩ kĩa 1)
O ũrĩa andũ ethĩ marakũra magatuĩka andũ agima, no mũhaka matue matua ma bata. Nĩguo mateithĩke, video ya Young People Ask—What Will I Do With My Life? nĩ ĩhaarĩrĩirio. Wahingũra video ĩyo, thiĩ harĩ Play Drama, ũcoke ũrore kana no ũhote gũcokia ciũria iria irĩ kĩbungo-inĩ gĩa 2 haha mũhuro. Thutha ũcio, ũcoke o kĩambĩrĩria ũthiĩ harĩ Interviews, ũcoke ũthiĩ harĩ Looking Back, na ũgerie gũcokia ciũria iria irĩ kĩbungo-inĩ gĩa 3.
Drama: (1) Nĩ na njĩra irĩkũ maũndũ ma Timotheo maahanaine na ma Akristiano aingĩ ethĩ ũmũthĩ? (2) Andre aahatĩkagwo atĩa nĩguo agacĩre mahenya-inĩ? (3) Mũrũ wa Ithe witũ Fleissig eerire Andre atĩa ũhoro-inĩ wĩgiĩ (a) kwĩrutĩra harĩ Jehova o hamwe na mathako? (Mat. 6:24) (b) kĩhumo gĩa gĩkeno kĩa ma? (c) ũndũ ũrĩa mbakũri ĩrĩa oimire nayo kambĩ-inĩ ya kũherithĩria andũ yaamũririkanagia? (d) andũ arĩa marĩ nao mbica-inĩ hamwe na mũtumia wake? (e) kana nĩ eeririre gũtiganĩria maũndũ marĩa eeriragĩria? (Afil. 3:8) (4) Cũwe wa Andre aamũcokeirie atĩa rĩrĩa aamũririe, “Nĩ ũndũ mũũru harĩ niĩ kwenda gũtuĩka mũtengʼeri ngũthi?” (Luk. 4:5-7) (5) Hihi kũhootana ihenya-inĩ nĩ kwareheire Andre gĩkeno kĩa ma? (6) Nĩ ũndũ ũrĩkũ ũragũkenirie wĩgiĩ irũa rĩa mũthia rĩa Mũrũ wa Ithe witũ Fleissig kũrĩ Andre? (Thim. 10:22) (7) Mũrũ wa Ithe witũ Fleissig aateithirie Andre kũmenya ũndũ ũrĩkũ?
Gwĩciria Maũndũ Marĩa Mahĩtũku (Looking Back): (8) Nĩ mawĩra marĩkũ mũrũ na mwarĩ wa Ithe witũ ũcio maathingataga, na nĩkĩ? (9) Hihi maagacirĩte na gĩkĩro kĩrĩkũ? (10) Nĩ maũndũ marĩkũ maatũmire o ũmwe wao agarũrĩre mũtũũrĩre wake? (2 Kor. 5:15) (11) Nĩ maũndũ marĩkũ ma gĩtheokrasi maathingatire ithenya rĩa marĩa maathingataga, na nĩ kĩĩ gĩatũmire mone matingĩahotire gũthingata mothe hamwe? (12) Hihi nĩ meeririre nĩ kũgarũrĩra muoroto wao ũtũũro-inĩ? (13) Nĩ ũndũ ũrĩkũ moigire ũtũmĩte wĩcirie ũrĩa wagĩrĩirũo kũhũthĩra ũtũũro waku?
Ũkũũrio wĩrorere icunjĩ icio ingĩ cia kũhoya ũhoro na ũhoro ũrĩa muongerere, na wĩhaarĩirie gũgaacokia ciũria ciĩgiĩ ũhoro ũcio ũkĩarĩrĩrio Mũcemanio-inĩ wa Ũtungata kiumia gĩũkĩte.