Mũtaratara wa Kiumia Kĩa Ĩpuro 7

❑ Wĩruti wa Bibilia wa Kĩũngano:

❑ Cukuru ya Ũtungata wa Gĩtheokrasi:

Na. 1: Thama 9:20-35 (Ndag. 4 kana nini)

Na. 2: Mũndũ Ndakoragwo Abangĩirũo Ũrĩa Ũtũũro Wake Ũgaakorũo—td 42A (Ndag. 5)

Na. 3: Ũtwaranaga na Maũndũ ma Sayanisi Marĩa Monanĩtio atĩ nĩ ma Ma; Ũkararagia Ũrutani wa atĩ Andũ Moimire kwĩ Nyamũ—td 43A (Ndag. 5)

❑ Mũcemanio wa Ũtungata:

Ndag. 10: Ũrĩa Ũngiuga Ũkĩheana Ngathĩti Mweri wa Ĩpuro. Ndeereti hamwe na athikĩrĩria. Ambĩrĩria na cionereria cia ũrĩa ngathĩti icio ingĩheanwo ũkĩhũthĩra ũhoro ũrĩa ũrĩ icunjĩ-inĩ cia ũrĩa ũngiuga. Ũcoke warĩrĩrie o gĩcunjĩ kuuma kĩambĩrĩria nginya mũthia. Ũgĩtiriha, ĩkĩra ahunjia othe ngoro na njĩra nguhĩ, mathome ngathĩti icio na mekĩre kĩyo harĩ gũciheana.

Ndag. 10: Mũtikanariganĩrũo nĩ Gũtuga Ageni. (Ahib. 13:1, 2) Mĩario ĩrutwo nĩ mũthuri wa kĩũngano. Cokera mĩbango ya kwanyu ĩgiĩ Kĩririkano. Gweta njĩra iria ahunjia othe mangĩonania atĩ nĩ maratuga ageni, na arĩa matigĩte kũhunjia arĩa moka Kĩririkano. Gũkorũo na kĩonereria gĩkuhĩ gĩa icunjĩ igĩrĩ. Gĩcunjĩ kĩa mbere kĩonanie mũhunjia mbere ya programu kwambĩrĩria, akĩnyita ũgeni mũndũ ũraahetwo karatathi hĩndĩ ya gwĩta andũ Kĩririkano. Nakĩo gĩa kerĩ kĩonanie mũhunjia ũcio thutha wa programu, akĩbanga na mũgeni ũcio ũrĩa ekũmũcokera.

Ndag. 10: Tũraagĩire na Moimĩrĩro Marĩkũ? Ndeereti hamwe na athikĩrĩria. Ũria athikĩrĩria magwete ũrĩa maragunĩkire nĩ ũndũ wa kũhũthĩra maũndũ marĩa maarĩ gĩcunjĩ-inĩ gĩa, “Kwagagĩria Ũtungata Witũ​​—​Ũrĩa Ũngĩcokeria Mũndũ Ũrarega Gũgũthikĩrĩria.” Ũria athikĩrĩria magwete maũndũ mega marĩa meyoneire.

Rwĩmbo Na. 20 na Mahoya