Gitagĩra Kĩhiko Gĩaku

Jehova nĩ oyaga mĩĩhĩtwa ya kĩhiko na ũritũ. Ooigire atĩ no mũhaka mũthuri manyitane na mũtumia wake. (Mat 19:5, 6) Nĩ kũrĩ na ihiko nyingĩ njega gatagatĩ-inĩ ka andũ a Ngai. No gũtirĩ kĩhiko gĩkinyanĩru. Mathĩna nĩ maumagĩra. Tũtiagĩrĩirũo gũkorũo na muonere wa atĩ kweheranĩra na gũtigana nĩkuo kĩhonia kĩa mathĩna kĩhiko-inĩ. Akristiano arĩa mahikanĩtie mangĩgitĩra kĩhiko kĩao atĩa?

Wĩcirie ũhoro wa maũndũ maya matano ma bata.

1. Gitagĩra ngoro yaku na njĩra ya kũregana na maũndũ ta gũthaakĩra andũ angĩ kĩĩwendo na gwĩkenia na maũndũ ma waganu, marĩa matũmaga kĩhiko kĩage hinya.​—Mat 5:28; 2Pe 2:14.

2. Ĩkĩra hinya ũrata waku hamwe na Ngai, na wongerere wendi waku wa kũmũkenia kĩhiko-inĩ gĩaku.​—Thb 97:10.

3. Thiĩ na mbere kwĩhumba ũmũndũ mwerũ, na wĩkage tũũndũ tũnini twa kuonania wendo tũrĩa tũgũtũma ũrĩa mũhikanĩtie nake akenere kĩhiko.​—Kol 3:8-10, 12-14.

4. Aranagĩriai na njĩra ya gĩtĩo mumĩranĩtie ngoro.​—Kol 4:6.

5. Hinganagĩriai bata wa kĩhiko na njĩra ya wendo.​—1Ko 7:3, 4; 10:24.

Rĩrĩa Akristiano matĩĩa kĩhiko, nĩ monanagia nĩ matĩĩte Jehova, ũrĩa nĩwe mwambĩrĩria wa kĩhiko.

WĨRORERE VIDEO YA NO MŨHAKA “TŨTENGʼERE TŨRĨ NA ŨKIRĨRĨRIA”​—ATHĨKAGĨRA MAWATHO MA KĨHĨTAHĨTANO, ŨCOKE ŨCOKIE CIŨRIA ICI:

• 

  O na gũtuĩka kĩhiko no kĩambĩrĩrie wega-rĩ, nĩ mathĩna marĩkũ mangiumĩra?

• 

  Motaaro ma Bibilia mangĩteithia atĩa arĩa monaga ta kĩhiko kĩao gĩtarĩ na wendo?

• 

  Nĩ mawatho marĩkũ Jehova aheanĩte harĩ arĩa marĩ kĩhiko-inĩ?

• Nĩguo kĩhiko kĩgaacĩre-rĩ, mũthuri na mũtumia merĩgagĩrĩrũo meke atĩa?