Mabuku Marĩa Magwetetwo Thĩinĩ wa Kabuku ka Mũcemanio wa Ũtũũro na Ũtungata

Mabuku Marĩa Magwetetwo Thĩinĩ wa Kabuku ka Mũcemanio wa Ũtũũro na Ũtungata

JANŨARĨ 1-7

MŨTHITHŨ KUUMA KIUGO-INĨ KĨA NGAI | AYUBU 32-33

Ũmagĩrĩria Arĩa Marĩ na Mĩtangĩko

it-1 710

Elihu

Elihu ndaarĩ na mũthutũkanio, na aaragia ũrĩa kũrĩ atekũhaka mũndũ maguta. Nĩ aamenyaga atĩ o ta Ayubu, o nake oombirũo na rĩũmba, na Mwene-Hinya-Wothe nĩwe Mũũmbi wake. Elihu ndaarĩ na muoroto wa kũguoyohia Ayubu, no aamwarĩirie ta mũrata wa ma akĩmũgwetaga na rĩĩtwa, ũndũ ũrĩa Elifazu, Bilidadi, na Zofaru mateekire.—Ayu 32:21, 22; 33:1, 6.

JANŨARĨ 15-21

MŨTHITHŨ KUUMA KIUGO-INĨ KĨA NGAI | AYUBU 36-37

Kũmaatha Maũndũ ma Bata Maandĩko-inĩ

it-1 492

Gũkinyanĩria Ũhoro

Thĩinĩ wa mabũrũri marĩa magwetetwo Bibilia-inĩ, andũ maakinyanagĩria ũhoro na njĩra itiganĩte. Kaingĩ, mohoro ma bũrũri na ma kuuma kũndũ kũngĩ maakinyanagĩrio na kanua. (2Sa 3:17, 19; Ayu 37:20) Agendi, arĩa kaingĩ maathiaga marĩ gĩkundi hamwe na nyamũ ciao, nĩ maaheanaga mohoro ma kuuma kũndũ kũraihu rĩrĩa maarũgamaga gwetha irio, maĩ, na indo ingĩ mataũni-inĩ kana njĩra-inĩ. Nĩ ũndũ wa bũrũri wa Palestina gũkorũo ũtaraihanĩrĩirie na Asia, Afrika, na Europe, agendi nĩ maahĩtũkagĩra kuo magĩthiĩ na makiuma kũndũ kũraihu. Kwoguo warĩ ũndũ mũhũthũ harĩ aikari a kuo gũkinyĩrũo nĩ mohoro megiĩ maũndũ ma bata marĩa meekĩkaga mabũrũri-inĩ mangĩ. Kaingĩ mohoro ma bũrũri na ma kuuma kũndũ kũngĩ maaheanagĩrũo thoko-inĩ.

JANŨARĨ 22-28

MŨTHITHŨ KUUMA KIUGO-INĨ KĨA NGAI | AYUBU 38-39

Kũmaatha Maũndũ ma Bata Maandĩko-inĩ

it-2 222

Mũheani Watho

Jehova arĩ we Mũheani Watho. Jehova nĩwe Mũheani Watho ũrĩa mwega biũ igũrũ na thĩ. Nĩwe wathondekire mawatho ma ndũire marĩa matongoragia indo iria itarĩ muoyo (Ayu 38:4-38; Thb 104:5-19), hamwe na nyamũ. (Ayu 39:1-30) Mũndũ o nake oombirũo nĩ Jehova, kwoguo nĩ agĩrĩirũo kũrũmĩrĩra mawatho macio ma Jehova ma ndũire. Ningĩ tondũ nĩ ombĩtwo arĩ na ũhoti wa gwĩciria na wa kũgĩa ũrata na Ngai, nĩ agĩrĩirũo kũrũmĩrĩra nginya mawatho ma Ngai megiĩ mĩtugo. (Ro 12:1; 1Ko 2:14-16) O na araika, arĩa makoragwo marĩ ciũmbe cia roho, nĩ marũmagĩrĩra watho wa Jehova.—Thb 103:20; 2Pe 2:4, 11.

Mawatho ma Jehova ma ndũire matingiunwo. (Je 33:20, 21) Kũndũ guothe kũrĩa andũ mangĩhota kuona kũrĩa igũrũ na gũkũ thĩ, mawatho marĩa matongoragia kũndũ kũu makoragwo marĩ ma kwĩhokeka ũũ atĩ, kũrĩa athomi a sayansi moĩ mawatho ma kuo, no mahote gũtara ũrĩa mweri, riũa, na indo ingĩ iria irĩ kũrĩa igũrũ ithiaga matekũhĩtia mũno. Mũndũ o wothe wĩkaga mũgarũ na mawatho macio onaga maumĩrĩro o rĩo. O na mawatho ma Ngai megiĩ mĩtugo matingĩcenjio, na mũndũ ndangĩmauna na age kuona maumĩrĩro. O na angĩaga kuona maumĩrĩro o rĩo ta ũrĩa gũthiaga mũndũ auna mawatho ma ndũire, no mũhaka akaamona. “Ngai ti wa kũnyũrũrio. Nĩ gũkorũo kĩrĩa gĩothe mũndũ arahanda, kĩu nokĩo akaagetha.”—Ga 6:7; 1Ti 5:24.

JANŨARĨ 29–FEBRUARĨ 4

MŨTHITHŨ KUUMA KIUGO-INĨ KĨA NGAI | AYUBU 40-42

Maũndũ Tũngĩĩruta Kuumana na Rũgano rwa Ayubu

w10 10/15 3-4 kĩb. 4-6

“Nũũ Ũmenyete Meciria ma Jehova?”

Tũgĩĩcũrania mawĩko ma Jehova, nĩ twagĩrĩirũo gwĩthema mwerekera wa gũtuĩra Ngai kũringana na ithimi cia andũ. Mwerekera ũcio nĩguo wonanĩtio ciugo-inĩ ici cia Jehova irĩ thĩinĩ wa Thaburi 50:21: “Ũgĩĩciria atĩ ngũhaana o tawe.” Ũndũ ũcio nĩ ũratwarana na ũrĩa mũthomi ũmwe wa Bibilia aaugire makĩria ma mĩaka 175 mĩthiru. Aaugire ũũ: “Andũ nĩ mahiũhaga gũtuĩra Ngai kũringana na ithimi ciao, makona ta agĩrĩirũo kũrũmĩrĩra mawatho marĩa o monaga magĩrĩire kũrũmĩrĩrũo.”

Nĩ tũbatiĩ kwĩmenyerera tũtigecirie atĩ Jehova agĩrĩirũo kũrũmĩrĩra ithimi citũ kana maũndũ marĩa tũngĩenda. Nĩkĩ ũndũ ũcio nĩ wa bata? Tũgĩthoma Maandĩko, twahota kuona maũndũ mamwe Jehova eekire ta mataarĩ magĩrĩru, kũringana na mwĩcirĩrie witũ mũkunderu na ũtarĩ mũkinyanĩru. Aisiraeli nĩ maagĩire mwĩcirĩrie ũcio mũũru, makĩona ta Jehova ataarũmbũyanagia nao ũrĩa kwagĩrĩire. Jehova aameerire ũũ: “Nĩ mũkoiga atĩrĩ: ‘Njĩra ya Jehova ti ya kĩhooto.’ Ta thikĩrĩriai inyuĩ nyũmba ya Isiraeli! Hihi nĩ njĩra yakwa ĩtarĩ ya kĩhooto? Githĩ ti njĩra cianyu itarĩ cia kĩhooto?”—Ezek. 18:25.

Ũndũ ũmwe ũngĩtũteithia gwĩthema gũtuĩra Jehova kũringana na ithimi citũ nĩ kũririkana atĩ muonere witũ wa maũndũ nĩ mũkunderu na rĩmwe o na nĩ ũkoragwo ũrĩ mũhĩtanu. Ayubu nĩ aabataraga kwĩruta ũndũ ũcio. Rĩrĩa aacemanirie na mathĩna, nĩ aakuire ngoro na akĩambĩrĩria gwĩciria mũno ũhoro wake mwene. Na ũndũ ũcio ũgĩtũma age kuona mbica ĩrĩa nene. No Jehova nĩ aamũteithirie na njĩra ya wendo kuona maũndũ na njĩra njariĩ. Aamũũririe ciũria makĩria ma 70, na gũtirĩ o na kĩmwe aahotire gũcokia, na ũndũ ũcio ũkĩonania ũrĩa ũtaũku wa maũndũ wa Ayubu warĩ mũkunderu. Ayubu nĩ eenyihirie, akĩgarũrĩra muonere wake wa maũndũ.—Thoma Ayubu 42:1-6.

Kũmaatha Maũndũ ma Bata Maandĩko-inĩ

it-2 808

Kĩnyũrũri

Ayubu nĩ aatũũririe ũthingu na wĩkindĩru wake o na akĩnyũrũragio mũno. No nĩ aakũririe muonere ũtagĩrĩire, agĩka mahĩtia, na akĩrũngwo. Elihu aaugire ũũ igũrũ rĩmwĩgiĩ: “Nĩ mũndũ ũrĩkũ ũhaana ta Ayubu, mũndũ ũnyuaga kĩnyũrũri ta arĩ maĩ?” (Ayu 34:7) Ayubu eekĩrĩire mũno gwĩtetera handũ ha gũtetera Ngai, na akĩgeria kuonania ũthingu wake handũ ha ũthingu wa Ngai. (Ayu 35:2; 36:24) Rĩrĩa aanyũrũririo mũno nĩ arata ake atatũ, eerekeirie kĩnyũrũri kĩu harĩ we mwene handũ ha kuona atĩ nĩ Ngai wanyũrũragio. Nĩ ũndũ ũcio akĩhaana ta mũndũ wĩheanĩte harĩ kĩnyũrũri na agakenio nĩkĩo, agakĩnyua ta mũndũ ũrakenera kũnyua maĩ. Thutha-inĩ Ngai nĩ aataarĩirie Ayubu atĩ anyũrũrania acio maaragia ũhoro ũtarĩ wa ma ũkoniĩ Ngai no ti Ayubu. (Ayu 42:7) O na rĩrĩa Aisiraeli maaugire marenda mũthamaki, Jehova eerire mũnabii Samueli ũũ: “Tiwe mararega, no nĩ niĩ mararega ndĩ mũthamaki wao.” (1Sa 8:7) Nake Jesu eerire arutwo ake ũũ: “Nĩ mũgaathũũrũo nĩ ndũrĩrĩ ciothe [ti tondũ wanyu, no] nĩ ũndũ wa rĩĩtwa rĩakwa.” (Mat 24:9) Kũririkana maũndũ macio no gũteithie Mũkristiano gũkirĩrĩria rĩrĩa aranyũrũrio arĩ na mawoni marĩa magĩrĩire, na ũndũ ũcio nĩ ũgaatũma amũkĩre kĩheo nĩ ũndũ wa gũkirĩrĩria.—Lu 6:22, 23.

FEBRUARĨ 5-11

MŨTHITHŨ KUUMA KIUGO-INĨ KĨA NGAI | THABURI 1-4

Kũmaatha Maũndũ ma Bata Maandĩko-inĩ

it-1 425

Mahuti

Nĩ gĩkonde kana ngothi ya igũrũ ĩrĩa ĩkoragwo indo-inĩ ta cairi na ngano. O na gũtuĩka Maandĩko mahũthagĩra kiugo mahuti na njĩra ya ngerekano, monanagia ũrĩa ngano na cairi ciahũũragwo tene. Thutha wa kũgethwo, ngothi ĩyo ya igũrũ yoonagwo ĩtarĩ bata, kwoguo nĩ yahũthagĩrũo kũrũgamĩrĩra kĩndũ kĩhũthũ, gĩtarĩ kĩene, na gĩtangĩendeka, kĩndũ kĩagĩrĩire kwamũranio na indo iria njega na gĩteo.

Hĩndĩ ya kũhũũra, ngano yaambaga ĩgatigithũkanio na ngothi ya igũrũ. Yacokaga ĩkahuuhwo, mahuti macio mahũthũ ma igũrũ magatwarũo nĩ rũhuho. Ũndũ ũcio nĩ wonanagia wega ũrĩa Jehova Ngai eheragia aregenyũki kuuma gatagatĩ-inĩ ka andũ ake na akaniina andũ arĩa aganu na ndũrĩrĩ iria imũkararagia. (Ayu 21:18; Thb 1:4; 35:5; Isa 17:13; 29:5; 41:15; Ho 13:3) Ũthamaki wa Ngai nĩ ũkaahehenja thũ ciaguo ituĩke tũcunjĩ tũnini ũũ atĩ ikaahurutwo na njĩra hũthũ ta mahuti.—Da 2:35.

Kaingĩ mahuti maacokanagĩrĩrio na magacinwo nĩguo matikahurutwo macoke ngano-inĩ ĩrĩa yahũũrũo. Nĩkĩo Johana Mũbatithania aarathire ũhoro wa kũniinwo kwa andũ a ndini cia maheeni akiuga atĩ Jesu Kristo nĩ agaacokanĩrĩria ngano, “no mahuti nĩ gũcina ekũmacina na mwaki ũrĩa ũtangĩhoreka.”—Mat 3:7-12; Lu 3:17.

FEBRUARĨ 12-18

MŨTHITHŨ KUUMA KIUGO-INĨ KĨA NGAI | THABURI 5-7

Kũmaatha Maũndũ ma Bata Maandĩko-inĩ

it-1 995

Mbĩrĩra

Thĩinĩ wa Aroma 3:13, mũtũmwo Paulo aagwetire ciugo cia Thaburi 5:9, akiuga atĩ mũmero wa andũ arĩa aganu na maragia maheeni ũhaana ta “mbĩrĩra ĩtarĩ hinge.” O ta ũrĩa mbĩrĩra ĩtarĩ hinge ĩikagio ciimba na indo mbuthu, no taguo mũmero wao ũhingũkaga ũkaria ciugo ingĩrehe gĩkuũ na mbuthu.—Ringithania Mat 15:18-20.

FEBRUARĨ 26–MACHI 3

MŨTHITHŨ KUUMA KIUGO-INĨ KĨA NGAI | THABURI 11-15

Hũũra Mbica Ũrĩ Thĩinĩ wa Thĩ Njerũ Ĩrĩ na Thayũ

w06 5/15 18 kĩb. 3

Matemo Kuuma Ibuku rĩa Mbere rĩa Thaburi

11:3—Nĩ mĩthingi ĩrĩkũ ĩmomoragwo? Nĩ mĩthingi ya maũndũ marĩa matongoragia mĩikarĩre ya andũ, na nĩyo watho, mĩtaratara, na kĩhooto. Rĩrĩa yaharagana, mĩikaranĩrie ya andũ nĩ ĩthũkaga na gũtikoragwo na kĩhooto. Hĩndĩ ta ĩyo, no mũhaka “mũndũ ũrĩa mũthingu” ehoke Ngai biũ.—Thaburi 11:4-7.