Ũtaũku

Ũtaaro: “Rekei ciugo cianyu ikoragwo irĩ cia ũtugi hingo ciothe.”—Kol. 4:6.

Ũrĩa Paulo Eekire

Mũtũmwo Paulo akĩruta ihooto akĩaria na andũ a Athene.

VIDEO: Paulo Kũhunjĩria Andũ a Athene

1. Wĩrorere VIDEO ĩno, kana ũthome Atũmwo 17:22, 23. Ũcoke ũcokie ciũria ici:

Paulo aaiguire atĩa nĩ ũndũ wa maũndũ ma ũthathaiya wa maheeni marĩa oonire Athene?—Rora Atũmwo 17:16.
Handũ ha kũmenereria andũ a Athene-rĩ, Paulo oonanirie ũtaũku atĩa na njĩra ya kũhũthĩra maũndũ marĩa meetĩkĩtie kũmahunjĩria ũhoro ũrĩa mwega?

Tũreruta Atĩa na Paulo?

2. Andũ no matũthikĩrĩrie tũngĩthuura wega ũndũ ũrĩa tũkuuga, ũrĩa tũkũuga, na rĩrĩa tũkũuga.

Wĩgerekanie na Paulo

3. Thuura ciugo ikũgucĩrĩria mũndũ. Kwa ngerekano, rĩrĩa ũraria na mũndũ ũtarĩ wa ndini cia Gĩkristiano, no ũbatare gũcenjia ciugo iria ũngĩhũthĩra ũkĩaria ũhoro wĩgiĩ Bibilia kana Jesu.

4. Ndũkahiũhe kũrũnga mũndũ. He mũndũ mweke wa kwĩyaria. Angiuga ũndũ ũtaratwarana na ũrutani wa Bibilia, ndũgakararanie nake. (Jak. 1:19) Ũngĩthikĩrĩria mũndũ, no ũmenye kĩrĩa etĩkĩtie na etĩkĩtie ũguo nĩkĩ.—Thim. 20:5.

5. Ĩtĩkania na mũndũ rĩrĩa kwahoteka na ũmũcokerie ngatho. Mũndũ no akorũo etĩkĩtie biũ atĩ maũndũ marĩa ndini yake ĩrutanaga nĩ ma ma. Amba warĩrĩrie nake maũndũ marĩa mũraiguithanĩria, ũcoke ũmũteithie kahora kahora gũtaũkĩrũo nĩ ũrĩa Bibilia ĩrutanaga.

NINGĨ RORA

Thim. 25:15; 2 Tim. 2:23-26; 1 Pet. 3:15