MACOKIO MA CIŨRIA CIA BIBILIA
Gĩkuũ kĩa Jesu gĩtũgunaga atĩa?
Muoroto wa Ngai akĩũmba andũ, warĩ matũũre gũkũ thĩ tene na tene matekũrũara na mategũkua. O na kũrĩ ũguo, Adamu nĩ aaremeire Ngai na kwoguo akĩũrũo nĩ mweke wa gũtũũra tene na tene. Ithuĩ tũrĩ njiarũa cia Adamu, na kwoguo nĩ twagaire gĩkuũ kuuma kũrĩ we. (Aroma 5:8, 12; 6:23) Ngai ũrĩa wa ma, Jehova, nĩ aatũmire Mũrũwe Jesu gũkũ thĩ nĩguo akue nĩ ũndũ witũ, na acokie kĩrĩa Adamu aateire.—Thoma Johana 3:16.
Kũgerera gĩkuũ kĩa Jesu, nĩ tũgĩaga na kĩĩrĩgĩrĩro gĩa gũgaatũũra tene na tene. Hihi wee wonaga ũtũũro wa tene na tene gũkũ thĩ ta ũgaakorũo ũtariĩ atĩa?
Kũgerera gĩkuũ kĩa Jesu nĩ tuohagĩrũo mehia maitũ, na tũkagĩa na kĩĩrĩgĩrĩro kĩa muoyo wa tene na tene. Bibilia nĩ ĩtũteithagia kuona ũrĩa ũtũũro thĩinĩ wa thĩ ũgaakorũo ũhaana, rĩrĩa tũtagaacoka gũkũra, kũrũara, na gũkua.—Thoma Isaia 25:8; 33:24; Kũguũrĩrio 21:4, 5.
Twagĩrĩire kũririkana gĩkuũ kĩa Jesu atĩa?
Hwaĩ-inĩ ũmwe mbere ya Jesu gũkua, nĩ eerire arutwo ake mekage igongona rĩa kũririkanaga gĩkuũ gĩake. Kũririkana gĩkuũ kĩa Jesu na njĩra ĩyo o mwaka, nĩ gũtũteithagia gwĩcũũrania igũrũ rĩgiĩ wendo mũnene ũrĩa Jehova na Jesu matuonetie.—Thoma Luka 22:19, 20; 1 Johana 4:9, 10.
Mwaka ũyũ, Kĩririkano gĩa gĩkuũ kĩa Jesu, gĩgeekwo Njumatatũ, Ĩpuro 14, thutha wa riũa gũthũa. Aira a Jehova nĩ marakũnyita ũgeni ũgooka mũnyitanĩre kũririkana gĩkuũ kĩa Jesu.—Thoma Aroma 1:11, 12.