Macokio ma Ciũria cia Bibilia
Nĩ kĩĩ kĩngĩgũteithia gũtuĩka mũciari mwega?
Hihi nĩ ũrutaga mwana waku kwenda Ngai?
Mũciĩ wĩ na aciari mendanĩte na makaheana gĩtĩo nĩ handũ hega ha mwana gũkũrĩra. (Akolosai 3:14, 19) Aciari ega nĩ mendete ciana ciao na nĩ macigathagĩrĩria, o ta ũrĩa Jehova Ngai aagathĩrĩirie Mũrũ wake.—Thoma Mathayo 3:17.
Ithe witũ wa igũrũ nĩ athikagĩrĩria ndungata ciake, na akarũmbũiya ũrĩa iraigua. Aciari no meke wega mangĩĩruta kuuma kũrĩ we, mathikagĩrĩrie ciana ciao ikĩaria. (Jakubu 1:19) Nĩ mabatiĩ gũtaũkĩrũo nĩ ũrĩa ciana ciao iraigua, o na rĩrĩa irĩ na mawoni mahĩtanu.—Thoma Ndari 11:11, 15.
Nĩ kĩĩ kĩngĩgũteithia kũrera ciana ingĩĩhokeka?
Wĩ mũciari-rĩ, nĩwe wĩ na kĩhooto gĩa kũiga mawatho. (Aefeso 6:1) Wĩrute na kĩonereria kĩa Ngai. Onanagia wendo wake harĩ ciana ciake na njĩra ya gũcitaarĩria mawatho make, na moimĩrĩro ma kwaga kũmaathĩkĩra. (Kĩambĩrĩria 3:3) No handũ ha gũtindĩkĩrĩria andũ maathĩke kĩa hinya, amarutaga ũrĩa mangĩgunĩka nĩ ũndũ wa gwĩka ũrĩa kwagĩrĩire.—Thoma Isaia 48:18, 19.
Wĩigĩre muoroto wa gũteithia ciana ciaku ciende Ngai, na nĩ irĩtuaga matua na ũũgĩ o na rĩrĩa ũtarĩ hamwe na cio. O ta ũrĩa Ngai arutanaga kũgerera kĩonereria gĩake, ruta ciana ciaku kũmwenda kũgerera kĩonereria gĩaku.—Thoma Gũcokerithia Maathani 6:5-7; Aefeso 4:32; 5:1.