KUUMA NGOTHI-INĨ | AIRA A JEHOVA NĨA?
Tũhunjagia nĩkĩ?
No kũhoteke atĩ ũndũ ũrĩa ũtũmaga tũkũũrĩkane mũno nĩ wĩra witũ wa kũhunjia—nyũmba kwa nyũmba, kũndũ kwa mũingĩ, na kũrĩa guothe andũ mangĩoneka. Tũhunjagia nĩkĩ?
Aira a Jehova mahunjagia nĩguo magoocithie Ngai na mamenyithanie rĩĩtwa rĩake. (Ahibirania 13:15) Ningĩ nĩ twendaga gwathĩkĩra Kristo Jesu, ũrĩa watwathire ũũ: “Nĩ ũndũ ũcio, thiĩi mũgatũme andũ a ndũrĩrĩ ciothe matuĩke arutwo akwa, . . . mũkĩmarutaga kũrũmia maũndũ marĩa mothe ndĩmwathĩte inyuĩ.”—Mathayo 28:19, 20.
Makĩria ma ũguo, nĩ twendete andũ arĩa angĩ. (Mathayo 22:39) Nĩ tũmenyaga atĩ andũ aingĩ nĩ marĩ wĩtĩkio wao na ti andũ othe makenagio nĩ ndũmĩrĩri itũ. O na kũrĩ ũguo, nĩ tũmenyaga atĩ morutani ma Bibilia no mahonokie andũ. Nĩkĩo tũthiaga na mbere tũtegũtiga “kũrutana na kũheana ũhoro wa Jesu,” o ta ũrĩa Akristiano a karine ya mbere meekaga.—Atũmwo 5:41, 42.
Mũthomi ũmwe wa sayansi wĩtagwo Antonio Cova Maduro nĩ aandĩkire ũhoro wa “kĩyo na moritũ marĩa Aira a Jehova mageragĩra, na ũrĩa menogagia . . . , nĩguo ciugo theru ikinye nginya kũndũ kũrĩa kũraya mũno thĩinĩ wa thĩ.”—Ngathĩti ĩtagwo El Universal, ya Venezuela
Andũ aingĩ arĩa mathomaga mabuku maitũ ti Aira a Jehova. Na andũ milioni nyingĩ arĩa merutaga Bibilia hamwe na ithuĩ makoragwo thĩinĩ wa ndini ingĩ. No nĩ makenaga nĩ ũndũ wa gũceererũo nĩ Aira a Jehova.
Nĩ ma no ũkorũo na ciũria ingĩ ciĩgiĩ Aira a Jehova. Tũragwĩkĩra ngoro ũcarie macokio na njĩra ya
Kũũria Mũira wa Jehova.
Kũhingũra website itũ, www.jw.org/ki.
Gũthiĩ gĩthomo kĩa Aira a Jehova, gĩtirĩhagio na andũ othe makoragwo manyitĩtwo ũgeni.