Kwagagĩria Ũtungata Witũ​—Kũhingũra JW.ORG

ŨNDŨ ŨCIO NĨ WA BATA NĨKĨ? Mabuku maitũ mothe marĩa marĩ thĩinĩ wa Gathandũkũ Gaitũ ka Indo cia Kũrutana merekagĩria mũndũ harĩ jw.org. Gĩtũmi kĩrĩa kĩnene gĩa gũkorũo na gakandi ka jw.org na trakti ya Tũngĩruta Kũ Macokio ma Ciũria Iria Nditũ Ũtũũro-inĩ? nĩ kwerekeria andũ thĩinĩ wa website itũ. No ũhũthĩre jw.org gũtũmĩra mũndũ ibuku kuuma Gathandũkũ Gaitũ ka Indo cia Kũrutana na njĩra ya e-mail, kana kũmũtũmĩra link angĩhingũra. Na ũndũ ũcio no ũkorũo ũrĩ wa bata mũno ũkĩhunjĩria mũndũ waragia rũthiomi rũngĩ. Makĩria ma ũguo, andũ no morie ciũria icoketio mabuku-inĩ matekĩrĩtwo Gathandũkũ-inĩ Gaitũ ka Indo cia Kũrutana. Angĩkorũo nĩ tũrĩhotaga kũhingũra website itũ, no tũkoragwo na moimĩrĩro mega ũtungata-inĩ.

ŨRĨA TŨNGĨKA:

• 

  Hũthĩra gacunjĩ ka “MORUTANI MA BIBILIA.” Ta tua ũrahunjĩria mũciari ũrenda kũmenya ũhoro makĩria wĩgiĩ kũrera ciana. No ũhingũre MORUTANI MA BIBILIA > KĨHIKO NA FAMĨLĨ.

• Hũthĩra gacunjĩ ka “MABUKU.” Ta tua nĩ wagĩa na mweke wa kũhunjia ũrĩ cukuru na ũrenda gũtũmĩra mũrutwo ũngĩ broshua ya Macokio ma Ciũria 10 Andũ Ethĩ Moragia. No ũhingũre MABUKU > MABUKU NA BROSHUA.

• Hũthĩra gacunjĩ ka “ŨHORO WITŨ.” Ta tua ũrahunjĩria mũndũ mũrutaga wĩra nake na nĩ arenda gũthoma ũhoro mũkuhĩ wĩgiĩ maũndũ mamwe twĩtĩkĩtie. No ũhingũre ŨHORO WITŨ > CIŨRIA IRIA CIŨRAGIO KAINGĨ.

WĨRORERE VIDEO YA KŨHINGŨRA JW.ORG, ŨCOKE WONE NĨ HA ŨNGĨHINGŨRA WEBSITE-INĨ NĨGUO ŨTEITHIE:

• mũndũ wĩtĩkĩtie gũtirĩ Ngai

• mũndũ ũracemanĩtie na ũndũ mũũru ica ikuhĩ

• mũrũ kana mwarĩ wa Ithe witũ ũtigĩte gũthiĩ mĩcemanio na kũhunjia

• gũcokera mũndũ ũtoĩ kũrĩa mbeca cia gũtwarithia wĩra witũ na mbere ciumaga

• mũndũ umĩte bũrũri ũngĩ no arenda gũgaathiĩ mĩcemanio bũrũri-inĩ wao acoka