Caragia Ũũgĩ Ũtũũro-inĩ Waku wa O Mũthenya Thĩinĩ wa JW.ORG

Kiugo kĩa Ngai gĩtũheaga kĩrĩa gĩothe tũrabatara nĩguo tũhote kũhiũrania na magerio matukũ-inĩ maya maritũ ma kũrigĩrĩria. (2Ti 3:1, 16, 17) O na kũrĩ ũguo, rĩmwe no tũbatare gwetha motaaro ma Bibilia marĩa tũngĩhũthĩra ũndũ-inĩ mũna. Kwa ngerekano, hihi ũrĩ mũciari na nĩ ũretha ũtaaro wa kũrera ciana? Hihi ũrĩ mũndũ mwĩthĩ na wĩtĩkio waku nĩ ũragerio? Hihi ũrĩ na kĩeha nĩ ũndũ wa gũkuĩrũo nĩ mũndũ ũrĩa mũhikanĩtie nake? Nĩ ũkuona ũhoro thĩinĩ wa jw.org ũrĩa ũgũgũteithia kuona motaaro matiganĩte ma Bibilia, marĩa megũgũteithia maũndũ-inĩ macio na maũndũ-inĩ mangĩ matiganĩte.—Thi 2:3-6.

Wahingũra jw.org/ki, thiĩ harĩ MORUTANI MA BIBILIA. (Rora mbica ya 1.) Harĩ ciongo iria ikuumĩra, hingũra ũndũ ũrĩa ũrenda. Kana ũhingũre LIBRARY > KĨRŨMANĨRĨRIO GĨA ICUNJĨ ũcoke ũcagũre kĩongo kĩrĩa ũrenda. (Rora mbica ya 2.) Ningĩ no wone ciongo icio thĩinĩ wa JW Library^®.a No ũhingũre icunjĩ icio ũthiĩ ũgĩciroraga, ũrore kĩrĩa kĩngĩgũkenia. Ũndũ ũngĩ ũngĩka nĩ gwetha ũndũ ũrĩa ũrenda ũkĩhũthĩra gathandũkũ ka etha thĩinĩ wa jw.org.

No wandĩke maũndũ maya marũmĩrĩire thĩinĩ wa gathandũkũ ka etha ũcoke ũrore nĩ icunjĩ irĩkũ ũngĩenda gũthoma.

• Kũrera ciana

• Matinĩnja

• Gũkuĩrũo nĩ mũndũ wendete