Rĩarĩro Ritũ Rĩrĩa Rĩtĩkĩrĩku—Rĩhaarĩirio Rĩtũgune na Rĩgune Arĩa Angĩ

Jesu aatwathire tũhunjagie ũhoro ũrĩa mwega wa Ũthamaki “thĩ yothe, ũtuĩke ũira kũrĩ ndũrĩrĩ ciothe.” (Mat. 24:14) Nĩguo tũteithio ‘kũhingia ũtungata witũ,’ Ciarĩro cia watchtower.org, jw-media.org, na jw.org nĩ iraturanĩirũo Rĩarĩro-inĩ rĩrĩa rĩerũ rĩa jw.org.—2 Tim. 4:5.

“Thĩ Yothe”: Thĩinĩ wa thĩ, mũndũ ũmwe harĩ atatũ nĩ ahũthagĩra Intaneti. Nĩ ĩtuĩkĩte njĩra nene ya gũkinyanĩria mohoro harĩ andũ aingĩ, makĩria andũ ethĩ. Rĩarĩro ritũ nĩ rĩheaga ahũthĩri a Intaneti macokio ma kwĩhokeka ma ciũria ciĩgiĩ Bibilia. Nĩ rĩmateithagia kũmenya ũhoro wĩgiĩ ithondeka rĩa Jehova na rĩgatũma ũkorũo ũrĩ ũndũ mũhũthũ harĩ o kũhoya marutwo Bibilia marĩ mũciĩ hatarĩ marĩhi. Ningĩ nĩ rĩhotithagia ũhoro ũrĩa mwega gũkinya icigo imwe thĩinĩ wa thĩ kũrĩa andũ matakoragwo na mĩeke mĩingĩ ya kũigua ndũmĩrĩri ya Ũthamaki.

“Ndũrĩrĩ ciothe”: Nĩguo “ndũrĩrĩ ciothe” ikinyĩrũo nĩ ũhoro, no mũhaka tũhunjie ma cia Bibilia na thiomi itiganĩte. Arĩa maceeragĩra jw.org no mone ũhoro na njĩra hũthũ na thiomi hakuhĩ 400, makĩria ma Rĩarĩro rĩngĩ o rĩothe.

Rĩhũthĩre Wega: Muoroto wa Rĩarĩro rĩrĩa rĩerũhie rĩa jw.org to kũhunjĩria andũ arĩa matarĩ etĩkia. Rĩhaarĩirio rĩhũthagĩrũo nginya nĩ Aira a Jehova. Angĩkorũo no wone Intaneti, tũgũkũũria ũgerie kũhũthagĩra Rĩarĩro rĩa jw.org. Ũhoro ũyũ wĩ haha mũhuro no ũgũteithie ũrĩa ũngĩrĩhũthĩra.

[Mbica karatathi ka 3]

Geria Kũhũthĩra

1 Wahingũra Intaneti kompiuta-inĩ yaku, andĩka www.jw.org harĩa handĩkagwo andirethi.

2 Uruuria rĩarĩro rĩu na njĩra ya kũhihinya icunjĩ, ciongo cia ũhoro, na ũhoro makĩria.

3 Ũngĩkorũo na thimũ kana gakompiuta kanini karĩ na Intaneti, geria kũhũthĩra jw.org. Ũhoro nĩ wĩbangaga nĩguo ũiganĩre gacicio-inĩ kanini, no ndũmĩrĩri no ĩrĩa ĩmwe.