Hũthĩra Web Site Iitũ Ũtungata-inĩ​—“Macokio ma Ciũria cia Bibilia”

Gĩcunjĩ kĩa “Morutani ma Bibilia” thĩinĩ wa jw.org/ki, nĩ harĩ gacunjĩ getagwo “Macokio ma ciũria cia Bibilia.” Tũngĩkorũo tũmenyete kabere ciũria ici iria ciũragio kaingĩ, mwene nyũmba angĩtũũria kĩũria no tũmwerekerie thĩinĩ wa Web site iitũ nĩguo one macokio ma Kĩĩmaandĩko. Ningĩ no tũhũthĩre ciũria icio kwambĩrĩria ndeereti tũrĩ ũtungata-inĩ. No tũthuure kĩũria kĩmwe kĩa iria andũ meyũragia gĩcigo-inĩ giitũ, tũũrie mwene nyũmba mawoni make, tũcoke tũmwĩre ũrĩa Bibilia yugaga, tũkĩhũthĩra macokio marĩa marĩ thĩinĩ wa jw.org/sw. Thutha ũcio no tũmũtaarĩrie kana tũmuonie harĩa tũrutĩte ũhoro ũcio. Njĩra ĩngĩ tũngĩhũthĩra nĩ kũreka we mwene athome macokio macio ĩmwe kwa ĩmwe thĩinĩ wa Web site. Mũtumia ũmwe wa mũrori wa mũthiũrũrũko nĩ akoragwo na moimĩrĩro mega, nĩ ũndũ wa kũũria kĩũria gĩkĩ: “Andũ aingĩ nĩ meyũragia atĩrĩ, ‘Hihi nĩ Ngai ũtũmaga tũnyamarĩke?’ No wende kũmenya macokio na sekondi 51?” Agacoka agathaaka ũhoro ekĩrĩte thimũ-inĩ yake kuuma Web site-inĩ wĩ na macokio ma kĩũria kĩu. Akarĩkĩrĩria na kũmuonia ibuku rĩa Bibilia Ĩrutanaga gĩcunjĩ gĩa 11.