Rĩarĩro Ritũ Rĩrĩa Rĩtĩkĩrĩku—Rĩhũthĩre Ũtungata-inĩ Waku
Erekeria Andũ Harĩ Rĩarĩro Rĩu: Andũ amwe arĩa metigagĩra kwaranĩria na ithuĩ kana kuoya mabuku no mende gũthuthuria ũhoro wĩgiĩ Aira a Jehova kũgerera jw.org me kwao mĩciĩ. Kwoguo menyithagia andũ ũhoro wĩgiĩ Rĩarĩro rĩu rĩrĩa rĩothe wagĩa na mweke.
Cokia Ciũria: Kũrĩ hĩndĩ mwene nyũmba, mũndũ ũrakenio nĩ ũhoro, kana mũrata angĩkũũria kĩũria kĩgiĩ Aira a Jehova kana maũndũ marĩa twĩtĩkĩtie. Muonie macokio o hĩndĩ ĩyo ũkĩhũthĩra thimũ kana kompiuta. Kaingĩ nĩ wega makĩria gũthoma maandĩko marĩa monanĩtio ĩmwe kwa ĩmwe kuuma Bibilia-inĩ. Angĩkorũo ndũrĩ na kĩndũ kĩna Intaneti hĩndĩ ĩyo, mũtaarĩrie ũrĩa angĩhũthĩra jw.org gwetha macokio we mwene.—Thiĩ harĩ “Morutani ma Bibilia/Macokio ma Ciũria cia Bibilia” kana “Ũhoro Witũ/Ciũria Iria Ciũragio Kaingĩ.”
Tũma Gĩcunjĩ kĩa Ũhoro Kana Ibuku Kũrĩ Mũndũ Ũĩ: Tũmĩra mũndũ e-mail wĩkĩrĩte ibuku rĩa mũthemba wa PDF kana EPUB kuuma Rĩarĩro-inĩ. Kana ũrute ibuku rĩa gũthikĩrĩrio wĩkĩre thĩinĩ wa CD. Rĩrĩa rĩothe watũmĩra mũndũ ũtarĩ mũbatithie ngathĩti, broshua, kana ibuku igima, no ũrĩtare rĩrĩ rĩmwe rĩa mabuku marĩa ũheanĩte. Ndwagĩrĩirũo gũtũmĩra mũndũ ibuku ũtekwĩmenyithania kana gũtũma mabuku maingĩ o rĩmwe. Ningĩ rĩtiagĩrĩire gwĩkĩrũo Rĩarĩro-inĩ rĩngĩ o rĩothe rĩa Intaneti.—Thiĩ harĩ “Mabuku.”
Onania Mohoro ma Ica Ikuhĩ Megiĩ Aira a Jehova: Ũndũ ũcio nĩ ũrĩteithagia Arutwo a Bibilia na andũ angĩ arĩa ũrahunjĩria mamenye ũhoro wĩgiĩ wĩra witũ wa thĩ yothe na ũrũmwe witũ wa Gĩkristiano. (Thab. 133:1)—Thiĩ harĩ “Mohoro.”
[Mbica karatathi ka 5]
Geria Kũhũthĩra
1 Rungu rwa “Mabuku,” caria kĩrĩa ũrenda kũruta, ũcoke ũhihinye harĩa haronania mũthemba ũrĩa ũngĩenda, rĩrĩa rĩandĩke kana rĩa gũthikĩrĩrio.
2 Hihinya harĩ MP3 nĩguo wone icunjĩ iria irĩ ibuku-inĩ. Hihinya kĩongo gĩa gĩcunjĩ ũkĩenda gũkĩruta kana ▸ ũkĩenda gũgĩthikĩrĩria Intaneti-inĩ.
3 Thuura rũthiomi rũngĩ kuuma harĩ ici ci haha ũkĩenda kũruta ibuku rĩa rũthiomi rũu.